'హెడ్‌కానిస్టేబుల్ వెంక‌ట్రామ‌య్య' షూటింగ్ పూర్తి... సంక్రాంతికి విడుద‌ల‌

శ్రీ తిరుమ‌ల తిరుప‌తి వెంక‌టేశ్వ‌ర ఫిలిమ్స్ బ్యాన‌ర్‌పై పీపుల్స్ స్టార్ ఆర్‌.నారాయ‌ణ‌మూర్తి, స‌హ‌జ‌న‌టి జ‌య‌సుధ కీల‌క పాత్ర‌ల్లో న‌టిస్తున్న చిత్రం`హెడ్‌కానిస్టేబుల్ వెంక‌ట్రామ‌య్య‌`. చ‌ద‌ల‌వాడ ప‌ద్మా

శ్రీ తిరుమ‌ల తిరుప‌తి వెంక‌టేశ్వ‌ర ఫిలిమ్స్ బ్యాన‌ర్‌పై పీపుల్స్ స్టార్ ఆర్‌.నారాయ‌ణ‌మూర్తి, స‌హ‌జ‌న‌టి జ‌య‌సుధ కీల‌క పాత్ర‌ల్లో న‌టిస్తున్న చిత్రం`హెడ్‌కానిస్టేబుల్ వెంక‌ట్రామ‌య్య‌`. చ‌ద‌ల‌వాడ ప‌ద్మావ‌తి నిర్మిస్తోన్న ఈ చిత్రానికి చ‌ద‌ల‌వాడ శ్రీనివాస‌రావు ద‌ర్శ‌క‌త్వం వ‌హిస్తున్నారు. ఈ సినిమా చిత్రీక‌ర‌ణ‌ను పూర్తి చేసుకుంది. పోస్ట్ ప్రొడ‌క్ష‌న్ కార్య‌క్ర‌మాలు తుది ద‌శ‌కు చేరుకున్నాయి. ఈ సినిమాను సంక్రాంతికి విడుద‌ల చేయ‌డానికి ద‌ర్శ‌క నిర్మాత‌లు ప్లాన్ చేస్తున్నారు. 

ఈ సంద‌ర్భంగా ద‌ర్శ‌కుడు చ‌ద‌ల‌వాడ శ్రీనివాస‌రావు మాట్లాడుతూ... 'నారాయ‌ణ‌మూర్తి, జ‌య‌సుధ‌గారితో చేసిన హెడ్‌కానిస్టేబుల్ వెంక‌ట్రామ‌య్య ప్ర‌స్తుతం స‌మాజంలో ప్ర‌ధాన స‌మ‌స్య ఆధారంగా రూపొందింది. అదేంట‌నేది సినిమా చూడాల్సిందే. ఓ నిజాయితీ గ‌ల హెడ్‌కానిస్టేబుల్ త‌న నిజాయితీతో ఉండ‌టం వ‌ల్ల ఎలాంటి స‌మ‌స్య‌ల‌ను ఎదుర్కొన్నాడు. దాన్ని ఎలా అధిగ‌మ‌నించాడ‌నేదే క‌థ‌. మంచి క‌థ‌, అన్నీ వ‌ర్గాల ప్రేక్ష‌కుల‌కు న‌చ్చే సినిమా అవుతుంది. నారాయ‌ణ‌మూర్తి, జ‌య‌సుధ క‌లిసి తెర‌పై క‌న‌ప‌డ‌బోతున్నార‌ని తెలియ‌గానే ప్రేక్ష‌కుల్లో ఓ ఆస‌క్తి ఏర్ప‌డిందన్నారు. 

జ‌య‌సుధ‌, నారాయ‌ణ‌మూర్తి ఇద్ద‌రూ చాలా గొప్ప‌గా న‌టించారు. వీరితో పాటు మిగిలిన అంద‌రూ న‌టీన‌టులు, టెక్నిషియ‌న్స్ స‌పోర్ట్‌తో అనుకున్న విధంగా సినిమా షూటింగ్ అంతా పూర్త‌య్యింది. జ‌న‌వ‌రి మొద‌టి వారంలో సినిమా సెన్సార్ కార్య‌క్ర‌మాల‌ను పూర్తి చేసి, పాట‌ల‌ను కూడా జ‌న‌వ‌రి మొద‌టివారంలోనే విడుద‌ల చేస్తాం. అలాగే సినిమాను సంక్రాంతికి విడుద‌ల చేయ‌డానికి సన్నాహాలు చేస్తున్నట్టు చెప్పారు.