గంగమ్మ తల్లి గెటప్‌లో అల్లు అర్జున్‌.. లీక్ చేసిన డీఎస్పీ

స్టైలిష్ స్టార్ అల్లు అర్జున్ ప్రస్తుతం రాబోయే యాక్షన్ డ్రామా పుష్ప 2 కోసం పని చేస్తున్నాడు. ఇది సుకుమార్ దర్శకత్వంలో శరవేగంగా రూపుదిద్దుకుంటోంది. పీరియాడికల్ క్రైమ్, యాక్షన్ డ్రామాగా ఇది తెరకెక్కుతోంది. 

పుష్ప-2ను పాన్ ఇండియా సినిమాగా రూపొందిస్తున్నారు. పుష్ప షూటింగ్ మొదలైన తర్వాత ఐదు భాషల్లో రెండు భాగాలుగా ఈ సినిమాను విడుదల చేయనున్నట్టు ప్రకటించారు. బాలీవుడ్‌లో వంద కోట్లకు పైగా కలెక్షన్లతో తన సత్తా చాటింది పుష్ప. ఈ సినిమా మొత్తం 360 కోట్లు వసూలు చేసింది. 

ఈ క్రమంలో పార్ట్ 2ని భారీగా ప్లాన్ చేస్తున్నారు. త్వరలో ప్రారంభం కానున్న పుష్ప 2 చిత్రానికి సంబంధించిన కొన్ని కీలక వివరాలను సంగీత దర్శకుడు లీక్ చేశారు. ఈ సినిమా స్క్రీన్ ప్లే థ్రిల్లింగ్‌గా ఉంది. జాతర నేపథ్యంలో గంగమ్మ అమ్మవారి గెటప్‌లో అల్లు అర్జున్‌పై చిత్రీకరించిన సన్నివేశాలు ఈ చిత్రానికి హైలైట్‌గా నిలుస్తాయని దేవి శ్రీ ప్రసాద్ అన్నారు. 

గంగమ్మ గెటప్‌లో అల్లు అర్జున్ లుక్ ఇప్పటికే వైరల్‌గా మారింది. దీనికి భారీ స్పందన వచ్చింది. ఈ గెటప్‌లో భారీ యాక్షన్‌ సన్నివేశం ఉంటుందని ప్రచారం జరుగుతోంది. 

దేవిశ్రీ ప్రసాద్ ఇటీవల చేసిన వ్యాఖ్యలు మరింత అంచనాలను పెంచుతున్నాయి. మైత్రీ మూవీ మేకర్స్ నిర్మిస్తున్న అల్లు అర్జున్ నటించిన పుష్ప 2 చిత్రంలో రష్మిక మందన్న కథానాయికగా నటిస్తోంది. సునీల్, అనసూయ ఇతర కీలక పాత్రల్లో కనిపించనున్నారు.