రెబ‌ల్ స్టార్ ప్రభాస్ క‌న్న‌డ చిత్రం `కాంతారా`ను తిల‌కించారు. గురువారం సాయంత్రం హైద‌రాబాద్ ప్ర‌సాద్ ల్యాబ్‌లో ప్ర‌త్యేకంగా త‌న కుటుంబంతో క‌లిసి ఈ సినిమాను తిల‌కించారు. ప్ర‌భాస్‌తోపాటు సోద‌రీమ‌ణులు ప్ర‌గ‌తి, ప్ర‌దీప్తి, ప్ర‌మోద‌ల‌తో మాత్ర‌మే ఈ సినిమాను తిల‌కించ‌డం విశేషం. చెల్లెల్ల కోసం ప్రభాస్ సినిమా చూసిన‌ట్లు తెలుస్తోంది. ఈ సినిమాను కుటుంబ‌స‌భ్యుల‌తో క‌లిసి చూసేదిగా వుంద‌ని ప్రభాస్ మేనేజ‌ర్ తెలియ‌జేశారు. క‌న్న‌డ న‌టుడు రిషబ్ శెట్టి హీరోగా నటిస్తూ దర్శకత్వం వహించిన ఈ చిత్రం కన్నడలో విడుద‌లై అద్భుత‌మైన క‌లెక్ష‌న్ల‌ను రాబ‌ట్టింది.
కన్నడలో సెప్టెంబర్ 30వ తేదీన ప్రేక్షకుల ముందుకు వచ్చిన ఈ చిత్రం విడుదలైన ప్రతీ చోట భారీ రెస్పాన్స్‌ను అందుకుంది. తాజాగా ఈ సినిమాను ఇతర భాషల్లో కూడా డబ్ చేసి విడుదల చేయనున్నారు. ఈ సినిమా తెలుగు థియేట్రికల్ రైట్స్‌ని అగ్ర నిర్మాత అల్లు అరవింద్ సొంతం చేసుకుని "గీతా ఫిల్మ్ డిస్ట్రిబ్యూషన్" ద్వారా రిలీజ్ చేయనున్నారు. కెజిఎఫ్ .త‌ర్వాత అంత వ‌సూళ్ళు రాబ‌ట్టి ఈ సినిమాను తెలుగులో కూడా ఈనెల 15న విడుదల చేస్తున్నారు.