మరో వివాదంలో ఆదిపురుష్.. నా ఆర్ట్‌ను దొంగలించారు.. ఎవరు?

ఆది‌పురుష్ మరో వివాదంలో చిక్కుకుంది. పాన్ ఇండియా స్టార్ ప్రభాస్ నటిస్తున్న ఆదిపురుష్ సినిమా రామాయణ గాథతో తెరకెక్కుతోంది. ఈ సినిమాపై భారీగా అంచనాలున్నాయి. ఇప్పటికే ఈ సినిమాపై విమర్శలు, వివాదాలకు నెలవైంది. రాముడు, హనుమంతుడు, రావణుడి వేషధారణపై ఆరోపణలు వస్తున్నాయి. 

అయితే ఈ వివాదం ముగిసింది. తాజాగా ఈ సినిమాపై మరో వివాదం నెలకొంది. ఈసారి తన ఆర్ట్ వర్క్‌ను దొంగలించారంటూ ఆర్టిస్ట్ ప్రతీక్ ఆరోపణలు చేశాడు. శ్రీరామ నవమి సందర్భంగా విడుదల చేసిన పోస్టర్‌పై అభ్యంతరం వ్యక్తం చేశారు ఆర్టిస్ట్ ప్రతీక్. 

తన డ్రాయింగ్స్, ఆర్ట్ వర్క్‌ను కాపీ కొట్టారంటూ ఆరోపించాడు. తాను ఇండియాకు చెందిన ఆర్టిస్టునని.. ఆదిపురుష్ లోని పనిచేస్తున్న ఆర్టిస్ట్ టీపీ విజయన్ తన ఆర్ట్‌ను కాపీ కొట్టారని.. తనకు ఎలాంటి సమాచారం ఇవ్వకుండా రాముడి రూపాన్ని ప్రదర్శించారని.. ఈ ప్రాజెక్టు వైఫల్యానికి ఇదొక కారణమంటూ చెప్పుకొచ్చారు. ఇంకా పలు స్క్రీన్ షాట్స్ షేర్ చేస్తూ ఫేస్ బుక్‌లో ఆర్టిస్ట్ ప్రతీక్ సంఘర్ ఆరోపించారు.