తమిళ సూపర్ స్టార్ రజనీకాంత్ ఆరోగ్యంపై ఫ్యాన్స్ ఆందోళన వ్యక్తం చేస్తున్నారు. విదేశాల్లో చికిత్స తీసుకుంటున్న రజనీకాంత్‌కు ఏమైంది ఆయన ఆరోగ్య పరిస్థితి ఎలా ఉందనే దానిపై అభిమానులు ఆరా తీస్తున్నారు. రజనీకా
తమిళ సూపర్ స్టార్ రజనీకాంత్ ఆరోగ్యంపై ఫ్యాన్స్ ఆందోళన వ్యక్తం చేస్తున్నారు. విదేశాల్లో చికిత్స తీసుకుంటున్న రజనీకాంత్‌కు ఏమైంది ఆయన ఆరోగ్య పరిస్థితి ఎలా ఉందనే దానిపై అభిమానులు ఆరా తీస్తున్నారు. రజనీకాంత్ ఆరోగ్య విషయంపై ఆయన కుటుంబ సభ్యులు సైతం నోరువిప్పలేదు.
ఈ నేపథ్యంలో తమిళనాడులో మధురై జిల్లా రజినీకాంత్ అభిమానుల సంఘం సభ్యుడు శేఖర్ మదురైలో అంటించిన పోస్టర్లు కొత్త వివాదానికి దారి తీశాయి. రజనీకాంత్ ఆరోగ్యం దెబ్బతినేందుకు ఆయన సోదరుడే కారణమంటూ శేఖర్ ఆ పోస్టర్లు కొట్టించి.. అక్కడక్కడా అంటించేయడంతో.. రజినీ అభిమానులే ఈ పోస్టర్లపై ఫైర్ అయ్యేలా వ్యవహారం మళ్లింది.
రజినీ సోదరుడు సత్యానారాయణపై శేఖర్ ఆ పోస్టర్లలో దుమ్మెత్తిపోశాడు. రజనీకాంత్ నటించిన కొచ్చాడియన్, లింగా సినిమాలు పరాజయం పాలవడానికి.. రజినీకాంత్ ఆరోగ్యం దెబ్బతినడానికి ఆయన సోదరుడు సత్యనారాయణే కారణమని ఈ పోస్టర్లో విమర్శలు గుప్పించాడు.
అంతేగాకుండా గత ఏడాది ఏప్రిల్‌లో చెన్నైలోని రాఘవేంద్ర కల్యాణ మండపంలో రజినీ క్షేమం కోరుతూ తాను ఓ విషయాన్ని సత్యనారాయణకు చెప్పానని.. కానీ అతను రజనీ కుటుంబ సభ్యుల దృష్టికి ఆ విషయం తీసుకెళ్లలేదని.. అందువల్లే ప్రస్తుతం రజినీ ఇబ్బంది పడుతున్నాడని శేఖర్ ఆరోపించడం ప్రస్తుతం చర్చనీయాంశమైంది.
అప్పుడు జరిగిన తప్పుకు తాను మధురై మీనాక్షి దేవాలయంలో పరిహారం కూడా చెల్లించనున్నట్లు శేఖర్ వెల్లడించాడు. కానీ సత్యనారాయణపై శేఖర్ విమర్శలు గుప్పించడంతో పాటు.. రజనీ సోదరుడితో శేఖర్ ఏం చెప్పాడు అనే దానిపై కోలీవుడ్‌లో చర్చ సాగుతోంది. ఇదిలా ఉంటే సత్యనారాయణపై ఆరోపణలు చేసిన శేఖర్‌పై కేసు నమోదైనట్లు కూడా వార్తలు వస్తున్నాయి.