రఘు కుంచె యాంకర్‌గా, సింగర్‌గా, మ్యూజిక్ డైరెక్టర్‌గా ఇండస్ట్రీలో తనకంటూ ఓ ప్రత్యేక స్థానం సంపాదించుకున్నారు. ఇప్పుడు తనలోని మరో కోణాన్ని ప్రేక్షకులకు చూపించబోతున్నారు. ఫస్ట్ లుక్‌తోనే క్యూరీయాసిటీ క్రియేట్ చేసిన ‘‘పలాస 1978’’ మూవీలో రఘు కుంచె విలన్‌గా కనిపించి అలరించబోతున్నారు. ఈ సినిమాకి మ్యూజిక్ కూడా అతనే కంపోజ్ చేస్తుండటం మరో విశేషం.
ఆ మ్యూజిక్ సిట్టింగ్స్ సమయంలోనే డైరెక్టర్ కరుణ కుమార్‌ రఘు కుంచె‌లో మరో కోణాన్ని చూసారు. రఘు చేత విలన్ పాత్ర వేయించాలని ఫిక్స్ అయ్యారు. రియలిస్టిక్ క్రైమ్ డ్రామాగా తెరకెక్కుతున్న ‘‘పలాస 1978’’ చిత్రం ఇప్పటికే టాక్ ఆఫ్ ది టౌన్ అయ్యింది.
ఈ చిత్రంలో రక్షిత్, నక్షత్ర హీరో హీరోయిన్లుగా నటించారు, రఘు కుంచె, తిరువీర్, జనార్థన్, లక్ష్మణ్, శృతి, జగదీష్ ఇతర పాత్రలలో కనిపించబోతున్నారు. పోస్ట్ ప్రొడక్షన్ దశలో ఉన్న ‘‘పలాస 1978’’ చిత్రాన్ని త్వరలోనే రిలీజ్ చేస్తామని దర్శక నిర్మాతలు తెలియజేసారు.