సింహం హీరో సూర్యకు ఈ మధ్య కాలంలో'ఆకాశం నీ హద్దురా', 'జై భీమ్' సినిమాలు తప్పితే పెద్దగా సినిమాలు ప్రేక్షకులను ఆకట్టుకోలేకపోయాయి. కాగా ఇవి రెండు ఓటీటీలోనే విడుదలయ్యాయి. కమర్షియల్‌గా ఈయన హిట్టు కొట్టి చాలా కాలమే అవుతుంది. ఇదిలా ఉంటే ప్రస్తుతం సూర్య, విభిన్న చిత్రాల దర్శకుడు బాలా దర్శకత్వంలో సినిమాను చేస్తున్నాడు.
దాదాపు 19ఏళ్ళ తర్వాత వీళ్ళ కాంబోలో రెండో సినిమా తెరకెక్కుతుంది. కృతిశెట్టి హీరోయిన్‌గా నటిస్తున్న ఈ చిత్రం ప్రస్తుతం షూటింగ్ శరవేగంగా జరుపుకుంటుంది. ఇదిలా ఉంటే ఈ సినిమా తర్వాత సూర్య.. మాస్ డైరెక్టర్ శివతో సినిమా చేయనున్నాడు.
ప్రస్తుతం ప్రీ ప్రొడక్షన్ పనులను జరుపుకుంటున్న ఈ చిత్రం త్వరలో సెట్స్‌పైకి వెళ్ళనుంది. కాగా ఈ చిత్రానికి సంబంధించిన ఓ వార్త నెట్టింట వైరల్‌గా మారింది. ఈ చిత్రంలో హీరోయిన్‌గా పూజాహెగ్డే నటించనుందని టాక్.