'పిల్ల రాక్షసి' పాటలు అదుర్స్ ... వచ్చే నెల 4న రిలీజ్
'బిచ్చగాడు' తర్వాత శ్రీ తిరుమల తిరుపతి వెంకటేశ్వర ఫిలింస్‌ పతాకంపై చదలవాడ పద్మావతి అందిస్తున్న మరో చిత్రం 'పిల్ల రాక్షసి'. మలయాళంలో ఘన విజయం సాధించిన 'ఆన్‌ మరియ కలిప్పిలాను' తెలుగులో 'పిల్ల రాక్షసి' ప
'బిచ్చగాడు' తర్వాత శ్రీ తిరుమల తిరుపతి వెంకటేశ్వర ఫిలింస్‌ పతాకంపై చదలవాడ పద్మావతి అందిస్తున్న మరో చిత్రం 'పిల్ల రాక్షసి'. మలయాళంలో ఘన విజయం సాధించిన 'ఆన్‌ మరియ కలిప్పిలాను' తెలుగులో 'పిల్ల రాక్షసి' పేరుతో నవంబర్‌ 4న విడుదల చేస్తున్నారు. రచయిత భాషాశ్రీ మలయాళ చిత్రం తెలుగు అనువాదానికి మాటలు, పాటలు అందించారు. మోసగాడితో చిన్నారి చేసిన సావాసం ఎలాంటి పరిణామాలకు దారి తీసిందనే కాన్సెప్ట్‌తో రూపొందిన సినిమానే ఇది. ఈ సినిమా ఆడియో, ట్రైలర్‌‌లను హీరో నరేశ్‌ ప్రసాద్‌ ల్యాబ్‌‌లో జరిగిన కార్యక్రమంలో విడుదల చేశారు.
హీరో నరేశ్‌ మాట్లాడుతూ బిచ్చగాడులాంటి సినిమాను తెలుగు ప్రేక్షకులకోసం వందరోజులపాటు ఆడేలా చూసిన నిర్మాతల నుండి 'పిల్ల రాక్షసి' అనే సినిమా వస్తుందంటేనే వాళ్ళ అభిరుచి ఎంతబాగుందో అర్థమైపోతోంది. తెలుగులో విభిన్న కాన్సెప్టులతో వస్తున్న చిత్రాలను ప్రేక్షకులు ఆదరిస్తున్నారు. మళయాళంలో పెద్ద విజయం సాధించిన ఈ సినిమా తెలుగులో కూడా పెద్ద హిట్‌ అవ్వాలని కోరుకుంటున్నానని తెలిపారు.
చదలవాడ తిరుపతి రావు మాట్లాడుతూ.. ఈ అమ్మాయి భవిష్యత్తులో శ్రీదేవిలా పెద్ద హీరోయిన్‌ అవుతుంది. పిల్ల రాక్షసి పెద్ద విజయాన్ని అందుకుంటుందని నేను కోరుకుంటున్నాను. హీరోయిన్‌ జాన్‌ కైప్పలిల్‌ మాట్లాడుతూ.. ఈ సినిమా తెలుగులోకి తీసుకురావడం ఎంతో సంతోషంగా ఉంది. మా అందరికీ నిజంగా లైఫ్‌ ఇచ్చింది. తెలుగులో ఈ సినిమా పెద్ద సక్సెస్‌ సాధించాలని కోరుకుంటున్నానని తెలిపారు.