ఖైదీకి అభిమాని అరుదైన కానుక... చల్ల చల్లని ఐస్‌తో ఖైదీ టైటిల్ లోగో..

వి.వి. వినాయక్‌ దర్శకత్వంలో మెగాస్టార్‌ చిరంజీవి నటించిన 'ఖైదీ నంబర్‌ 150' కలెక్షన్ల వర్షం కురిపిస్తోంది. జనవరి 11న విడుదలైన చిరు ఖైదీ అమెరికాలో మంచి టాక్‌ను తెచ్చుకుంది. దాదాపు 10ఏళ్ల తర్వాత చిరంజీవి

వి.వి. వినాయక్‌ దర్శకత్వంలో మెగాస్టార్‌ చిరంజీవి నటించిన 'ఖైదీ నంబర్‌ 150' కలెక్షన్ల వర్షం కురిపిస్తోంది. జనవరి 11న విడుదలైన చిరు ఖైదీ అమెరికాలో మంచి టాక్‌ను తెచ్చుకుంది. దాదాపు 10ఏళ్ల తర్వాత చిరంజీవి నటిస్తున్న సినిమా కావడటంతో అందరూ ఆసక్తిగా ఎదురుచూశారు. 

వెండితెరపై చిరంజీవి రీఎంట్రీని చూసి అభిమానులు ఆనందంతో ఉబ్బితబ్బిబైపోయారు. ఈ నేపథ్యంలో టాలీవుడ్‌ హీరో రామ్‌చరణ్‌కు ఓ అభిమాని అరుదైన కానుక అందించారు. నిర్మాతగా పరిచయమైన 'ఖైదీ నంబర్‌ 150' చిత్రం టైటిల్‌ లోగోను ఐస్‌తో తయారు చేసిచ్చారు. 

ఈ విషయాన్ని మెగా తనయుడు రామ్‌చరణ్‌ తన ఫేస్‌బుక్‌ ఖాతా ద్వారా తెలుపుతూ.. ఓ లవ్లీ అభిమాని ఈ ఐస్‌ శిల్పాన్ని తయారు చేసిచ్చారని, 'ఖైదీ నంబర్‌ 150' చిత్రం విజయాన్ని సెలెబ్రేట్ చేసుకుంటున్నామని తెలిపారు. దీంతోపాటు ఓ ఫొటోను పోస్ట్‌ చేశారు. ఖైదీ సినిమాపై మంచి రివ్యూలను అందుకోవడంతోపాటు చక్కటి వసూళ్లను రాబడుతోంది.

మరోవైపు అలనాటి నటి సుహాసిని చిరంజీవికి శుభాకాంక్షలు చెబుతూ ట్వీట్‌ చేశారు. 'నా స్నేహితుడు, సహ నటుడికి శుభాకాంక్షలు.. సంతోషంగా, గర్వంగా ఉంది' అంటూ చిరుతో కలిసి దిగిన ఫొటోను పోస్ట్‌ చేశారు.