'పుష్ప' చిత్ర బృందానికి కాకినాడ పోలీసులు షాకిచ్చారు. ఈ చిత్రం గ్రాండ్ సక్సెస్‌ను పురస్కరించుకుని కాకినాడలో భారీ ఎత్తున సక్సెస్ పార్టీ నిర్వహించాలని నిర్మాతలు ప్లాన్ చేశారు. కానీ, ఈ గ్రాండ్ సక్సెస్ పార్టీకి కాకినాడ పోలీసులు అనుమతి ఇవ్వలేదు. ఈ విషయాన్ని చిత్ర బృందం అధికారికంగా తన ట్విట్టర్ ఖాతాలో వెల్లడించింది.
ప్రస్తుతం దేశంలో ఒమిక్రాన్ వైరస్ కేసులు క్రమంగా పెరుగుతున్నాయి. దీంతో పలు రాష్ట్రాలు కఠిన ఆంక్షల దిశగా పయనిస్తున్నాయి. మరికొన్ని రాష్ట్రాలు రాత్రిపూట కర్ఫ్యూను అమలు చేస్తున్నాయి. దీంతో ఏపీ ప్రభుత్వం కూడా ఒమిక్రాన్ వైరస్ వ్యాప్తి కట్టడిపై ప్రత్యేక దృష్టిసారించింది.
ఈ నేపథ్యంలో పుష్ప సక్సెస్ పార్టీ నిర్వహణకు అనుమతి ఇచ్చేందుకు కాకినాడ పోలీసులు తిరస్కరించారు. ఈ విషయాన్ని మైత్రీ మూవీ మేకర్స్ స్పష్టం చేసింది. "ఈ రోజు కాకినాడలో జరగాల్సిన "పుష్ప'' మూసీవ్ సక్సెస్ పార్టీ పర్మిషన్ సమస్యల కారణంగా రద్దు అయ్యింది" అంటూ ట్వీట్ చేసింది.