తొమ్మిదేళ్ల బాలుడు-19 ఏళ్ల అమ్మాయి: పెళ్లి, తొలిరాత్రి తర్వాత హనీమూన్ వెళ్లారు.. కానీ ఆపేశారు ఎందుకు?

''పెహరేదార్ పియా కి'' టీవీ సీరియల్‌ను ఆపేశారు. ఈ సీరియల్ సృష్టించిన వివాదం అంతా ఇంతా కాదు.. ఎందుకంటే తొమ్మిదేళ్ల చిన్న పిల్లాడిని 19ఏళ్ల అమ్మాయితో వివాహం చేయించడం.. వాళ్లను కాస్త హనీమూన్‌కి పంపించడంతో

''పెహరేదార్ పియా కి'' టీవీ సీరియల్‌ను ఆపేశారు. ఈ సీరియల్ సృష్టించిన వివాదం అంతా ఇంతా కాదు.. ఎందుకంటే తొమ్మిదేళ్ల చిన్న పిల్లాడిని 19ఏళ్ల అమ్మాయితో వివాహం చేయించడం.. వాళ్లను కాస్త హనీమూన్‌కి పంపించడంతో కూడిన స్క్రిప్ట్ వుండటంతో బాలల సంక్షేమ సంఘాలు, మహిళా సంఘాలు రచ్చ రచ్చ చేశాయి. అయినా ఈ సీరియల్ కొన్నాళ్ల పాటు ప్రదర్శితమైంది. 

ఈ టీవీ సీరియల్ బాల్యవివాహాలను అద్దం పట్టేలా ఉందని.. వీలైనంత త్వరగా ఈ సీరియల్‌ను ఆపేయాలనే డిమాండ్ పెరిగిపోయింది. ఈ సీరియల్‌ను ఆపాల్సిందిగా దాదాపు ఒక లక్ష మంది ఆన్‌లైన్ పిటీషన్ వేశారు. ఈ పిటిషన్లు కాస్త బ్రాడ్ కాస్టింగ్ మినిస్టర్ స్మృతి ఇరానీ వద్దకు కూడా వెళ్ళింది. దీంతో సీరియల్ టైమింగ్‌ను రాత్రి 8.30 గంటల నుంచి పది గంటలకు మార్చారు. 

అంతేగాకుండా.. ఈ సీరియల్‌పై వ్యతిరేకత రోజు రోజుకీ పెరిగిపోతున్న తరుణంలో ఇక దారి లేక సోనీ టీవీ ప్రసారాన్ని ఆపేసింది. ఆగస్ట్ 28న ఈ సీరియల్‌కు సంబంధించిన కొత్త ఎపిసోడ్ ప్రసారం కాలేదు. ఇంకా ఈ టీవీ సీరియల్‌ను ఆపేస్తున్నట్లు సదరు సీరియల్ యాక్టర్ జితేన్ లాల్ వానీ కూడా ఒప్పుకున్నాడు.