బాలయ్య సరసన ఆర్ఎక్స్ 100 భామ పాయల్ రాజ్‌పుత్?

బాలయ్య సరసన ఆర్ఎక్స్ 100 భామ పాయల్ రాజ్‌పుత్ నటించనుంది. త్వరలో బాలకృష్ణ-కేఎస్ రవికుమాక్ కాంబోలో జై సింహా రిలీజ్ సంగతి తెలిసిందే. తాజాగా వీరిద్దరి కాంబోలో కొత్త సినిమా రానుంది. సి.కల్యాణ్ నిర్మాతగా వ్యవహరించనున్నాడు. ఈ సినిమాలో కవల సోదరులుగా బాలకృష్ణ రెండు పాత్రల్లో కనిపించనున్నాడనే టాక్ బలంగా వినిపిస్తోంది. 

ఈ సినిమాలో హీరోయిన్‌గా కన్నడ బ్యూటీ హరిప్రియ వినిపిస్తోంది. రెండో హీరోయిన్‌గా పాయల్ రాజ్‌పుత్ పేరు తెరపైకి వచ్చింది. ఆర్ఎక్స్ 100 సినిమాతో తెలుగు తెరకు పరిచయమైన ఈ సుందరి.. గ్లామర్‌ పరంగా మంచి మార్కులు కొట్టేసింది.

ఇప్పటికే 'వెంకీమామ', డిస్కో రాజా వంటి సినిమాల్లో ఛాన్సులు కొట్టేసింది. తాజాగా బాలకృష్ణ సినిమాలోను పాయల్ అవకాశాన్ని కైవసం చేసుకుందని ఫిలిమ్ నగర్ వర్గాల్లో టాక్ వస్తోంది. ఈ సినిమాకి 'రూలర్' అనే టైటిల్‌ను పరిశీలిస్తున్నారు. ఇక ప్రతినాయక పాత్ర కోసం జగపతిబాబును తీసుకున్నారు.