ప‌వ‌ర్‌స్టార్ ప‌వ‌న్‌క‌ళ్యాణ్ హీరోగా నార్త‌స్టార్ ఎంట‌ర్‌టైన్‌మెంట్స్ బ్యాన‌ర్‌ఫై కిషోర్ పార్థ‌సాని ద‌ర్శ‌క‌త్వంలో శ‌ర‌త్ మ‌రార్ నిర్మాత‌గా రూపొందుతోన్న చిత్రం `కాట‌మ‌రాయుడు`. అనూప్ సంగీత ద‌ర్శ‌క‌త్వం వ‌హించిన ఈ సినిమా మూడో సాంగ్‌ను రేడియో మిర్చి 98.3లో విడుద‌ల చేశారు. `జివ్వు జివ్వు అగునా..` అంటూ ప‌ల్ల‌వితో సాగే ఈ పాట విడుద‌ల కార్య‌క్ర‌మంలో సంగీత ద‌ర్శ‌కుడు అనూప్ రూబెన్స్‌, సాంగ్‌కు సాహిత్యాన్ని అందించిన వ‌రికుప్ప‌ల యాద‌గిరి పాల్గొన్నారు.
మ్యూజిక్ డైరెక్ట‌ర్ అనూప్ మాట్లాడుతూ... 'కాట‌మ‌రాయుడు'లో మొద‌టి రెండు పాట‌ల‌కు ఆడియెన్స్ నుంచి అద్భుత‌మైన రెస్పాన్స్ వ‌చ్చింది. ఈ సినిమాకు సంగీతం అందించే అవ‌కాశం క‌లిగించిన ప‌వ‌ర్ స్టార్ ప‌వ‌న్‌క‌ళ్యాణ్‌కి థాంక్స్‌. ప‌వ‌న్‌సార్‌తో ఇది నాకు రెండో సినిమా. `గోపాల గోపాల` సినిమాలో `భాజే భాజే...`సాంగ్ విన‌గానే పవన్ నాకు ఫోన్ చేసి అనూప్ మ‌నం మ‌రోసారి క‌లిసి ప‌నిచేస్తున్నామ‌ని అన్నారు.
అప్పుడు ఫోన్‌లో ఇచ్చిన మాట‌ను `కాట‌మ‌రాయుడు` సినిమాతో పూర్తి చేశారు. ఈ విష‌యం ద్వారా ఆయ‌న మాట ఇస్తే పూర్తి చేస్తార‌ని నాకు ప‌ర్స‌న‌ల్‌గా తెలిసింది. ఆయ‌న అందించిన స‌పోర్ట్‌కు థాంక్స్‌. ఈ జివ్వు జివ్వు అనే సాంగ్‌ను ప‌వ‌ర్‌స్టార్‌గారి ఫ్యాన్స్ కోసం చేశాం. అందరికీ ఈ సాంగ్ కూడా న‌చ్చేలా ఉంటుంది`` అన్నారు.
పాట‌ల ర‌చ‌యిత వ‌రికుప్ప‌ల యాద‌గిరి మాట్లాడుతూ... 'నేను కూడా ప‌వ‌ర్‌స్టార్ ప‌వ‌న్‌క‌ళ్యాణ్‌కి పెద్ద అభిమానిని. ఈరోజు ఆయ‌న న‌టించిన `కాట‌మ‌రాయుడు` సినిమాలో పాట రాయ‌డం ఎంతో ఆనందంగా ఉంది. `జివ్వు జివ్వు ..` అనే ఈ సాంగ్ అభిమానుల‌కు, ప్రేక్ష‌కులకు న‌చ్చే మాస్ - ఫోక్ సాంగ్. ఈ అవ‌కాశం ఇచ్చిన ప‌వ‌న్‌క‌ళ్యాణ్‌కి, శ‌ర‌త్‌మ‌రార్‌కి, డైరెక్ట‌ర్ డాలీకి, మ్యూజిక్ డైరెక్ట‌ర్ అనూప్‌గారికి థాంక్స్‌' అన్నారు.