కాశీ ఆలయం నుంచి పవన్ సినిమా టైటిల్ విడుదల..

పవర్ స్టార్ పవన్ కల్యాణ్, మాటల మాంత్రికుడు శ్రీనివాస్ కాంబినేషన్‌లో ఓ సినిమా రూపుదిద్దుకుంటోంది. ఈ చిత్రానికి సంబంధించిన ప్రీలుక్ ఇప్పటికే రిలీజ్ అయ్యింది. ఈ ప్రీ లుక్‌లో పవన్ కల్యాణ్ సూర్యోదయాన్ని చూ

పవర్ స్టార్ పవన్ కల్యాణ్, మాటల మాంత్రికుడు శ్రీనివాస్ కాంబినేషన్‌లో ఓ సినిమా రూపుదిద్దుకుంటోంది. ఈ చిత్రానికి సంబంధించిన ప్రీలుక్ ఇప్పటికే రిలీజ్ అయ్యింది. ఈ ప్రీ లుక్‌లో పవన్ కల్యాణ్ సూర్యోదయాన్ని చూస్తున్నట్లు కనిపిస్తోంది. ఈ చిత్రాన్ని హారిక, హాసిని క్రియేషన్స్‌ పతాకంపై ఎస్‌.రాధాకృష్ణ నిర్మిస్తున్నారు. 

ఇప్పటికే అజ్ఞాతవాసి అనే పేరును ఈ చిత్రానికి పెడతారని ఫిలిమ్ నగర్ వర్గాల్లో జోరుగా ప్రచారం సాగుతోంది. జ‌ల్సా, అత్తారింటికి దారేది వంటి డూపర్ హిట్ సినిమాలకు తర్వాత త్రివిక్రమ్, పవన్ కల్యాణ్ కాంబోలో రూపుదిద్దుకున్న ఈ సినిమాపై అభిమానులు భారీ అంచనాలు పెట్టుకున్నారు. ఈ నేపథ్యంలో పవన్ కల్యాణ్, కీర్తి సురేశ్, అనూ ఇమ్మాన్యుయేల్ హీరోయిన్స్‌గా నటిస్తున్న ఈ సినిమా దాదాపు చిత్రీకరణను పూర్తి చేసుకుంది. చివరి షెడ్యూల్ షూటింగ్ కాశీలో జరుగోతుంది. 

ఈ నేపథ్యంలో కాశీ నుంచే ఈ సినిమా టైటిల్‌ను ప్రకటించనున్నట్టు సమాచారం. కాశీలోని విశ్వనాథ ఆలయంలో అజ్ఞాతవాసి టైటిల్ వున్న బాక్సును ఓపెన్ చేసి టైటిల్‌ను ప్రకటించనున్నారని తెలిసింది. సంక్రాంతి కానుకగా జనవరి 10న ఈ సినిమా ప్రేక్షకుల ముందుకు రానుంది. సుప్రసిద్ధ ఆలయంలో పవన్ సినిమా టైటిల్‌ను ఆవిష్కరించడం ఇదే తొలిసారి.