నిన్న ఆద్య బర్త్‌డే... నేడు పోలేనా పుట్టినరోజు.. రెండో కూతురి బర్త్‌డే పార్టీలో పవన్!
పవర్ స్టార్ పవన్ కళ్యాణ్ తన కుమార్తెల పుట్టిన రోజుల్లో బిజీగా గడుపుతున్నాడు. ఈనెల 23వ తేదీన తన మాజీ భార్య రేణూ దేశాయ్‌కు తనకు పుట్టిన మొదటి కుమార్తె ఆద్య పుట్టిన రోజు వేడుకలు పూణెలో జరిపారు. ఆద్య చదివ
పవర్ స్టార్ పవన్ కళ్యాణ్ తన కుమార్తెల పుట్టిన రోజుల్లో బిజీగా గడుపుతున్నాడు. ఈనెల 23వ తేదీన తన మాజీ భార్య రేణూ దేశాయ్‌కు తనకు పుట్టిన మొదటి కుమార్తె ఆద్య పుట్టిన రోజు వేడుకలు పూణెలో జరిపారు. ఆద్య చదివే పాఠశాలలో ఈ వేడుకలను ఘనంగా నిర్వహించాడు.
సరిగ్గా మూడు రోజుల తర్వాత అంటే ఆదివారం (మార్చి 26) రెండో కుమార్తె పోలెనా పుట్టిన రోజు వేడుకలను హైదరాబాద్‌లో నిర్వహించాడు. పవన్.. తన భార్య అన్నా లెజెనోవాతో కలిసి పోలేనా బర్త్‌డే పార్టీలో పాల్గొన్నాడు. కాగా, ఏప్రిల్‌ 8న పవన్ కొడుకు అకీరా పుట్టినరోజు కూడా రానుంది. ఆ రోజు కూడా పవన్ పుణె వెళ్లే అవకాశముంది. ఆ తర్వాత త్రివిక్రమ్‌ కాంబినేషన్‌లో మొదలు కాబోయే సినిమా షూటింగ్‌లో పాల్గొంటాడు.
ఇదిలావుండగా, ఈనెల 24వ తేదీన ‘కాటమరాయుడు’ సినిమాతో ప్రేక్షకుల ముందుకు వచ్చిన పవన్ మంచి విజయాన్ని అందుకున్నాడు. ఇన్నాళ్లూ సినిమాలతో, రాజకీయాలతో బిజీగా గడిపిన పవన్ ఈ ఖాళీ సమయాన్ని తన కుటుంబానికి కేటాయించడం గమనార్హం.