బాలీవుడ్ నటి పరిణీతి చోప్రా, ఆప్ నేత రాఘవ్ చద్దా ఉజ్జయినిలోని మహాకాళేశ్వర్ ఆలయాన్ని సందర్శించారు. ప్రధాన ఆలయ ప్రాంగణంలో ఇరువురు సంప్రదాయబద్ధంగా పూజలు నిర్వహించి అర్చకుల ఆశీస్సులు పొందారు. ఈ సందర్భంగా రాఘవ్ చద్దా, పరిణీతి చోప్రా ఫోటోలు ప్రస్తుతం నెట్టింట వైరల్ అవుతున్నాయి.
పరిణీతి పింక్ చీరలో కూర్చొని కనిపించగా, ఆమ్ ఆద్మీ పార్టీ నాయకుడు పసుపు ధోతీ, మెడలో ఎరుపు దుపట్టాలో కనిపించారు. పరిణీతి చోప్రా, రాఘవ్ చద్దా ఈ ఏడాది ప్రారంభంలో ఢిల్లీలో నిశ్చితార్థం చేసుకున్నారు. ఉజ్జయినిలోని మహాకాల్ సందర్శనకు ముందు, ఈ జంట అమృత్‌సర్‌లోని గోల్డెన్ టెంపుల్‌కు కూడా వెళ్లారు. గురుద్వారాలో ప్రార్థనలు చేశారు.