అమెరికాలో 'మా' పెద్దల‌కు చుక్కలు చూపించిన ఎన్నారైలు... ఇకనైనా బుద్ధి తెచ్చుకోండంటూ...
మూవీ ఆర్టిస్ట్ అసోసియేషన్ (మా) పెద్దలు అమెరికాలోని డల్లాస్‌లో పర్యటిస్తున్నారు. ఇక్క‌డ మూవీ ఆర్టిస్ట్ అసోసియేషన్ స‌భ్యుల‌కు ఊహించ‌ని విధంగా ప్రవాస భారతీయులు చుక్కలు చూపించారు. ఇంత‌కీ ఏం జ‌రిగిందంటే... ఆంధ్రప్రదేశ్ రాష్ట్రానికి ప్రత్యేక హోదా క‌ల్పించ
మూవీ ఆర్టిస్ట్ అసోసియేషన్ (మా) పెద్దలు అమెరికాలోని డల్లాస్‌లో పర్యటిస్తున్నారు. ఇక్క‌డ మూవీ ఆర్టిస్ట్ అసోసియేషన్ స‌భ్యుల‌కు ఊహించ‌ని విధంగా ప్రవాస భారతీయులు చుక్కలు చూపించారు. ఇంత‌కీ ఏం జ‌రిగిందంటే... ఆంధ్రప్రదేశ్ రాష్ట్రానికి ప్రత్యేక హోదా క‌ల్పించాలి అంటూ రాజ‌కీయ నాయకులు, మేధావులు, విద్యార్థులు పోరాటం చేస్తూనే ఉన్నారు కానీ... తెలుగు సినీ ఇండస్ట్రీ మాత్రం స్పందించ‌డం లేదు.
ఇదే విష‌యం ప్ర‌స్తావిస్తూ... ప్రత్యేక హోదా కోసం నటీనటులు ఎందుకు ఉద్యమించడం లేదని ప్రశ్నించి ఎన్నారైలు, వారిని నిలదీశారు. ఊహించ‌ని ఈ సంఘ‌ట‌న‌తో నటీనటులు షాక్ అయ్యారు. మెగాస్టార్ చిరంజీవి ముఖ్యఅతిథిగా పాల్గొన్న ఈ కార్యక్రమానికి పెద్దఎత్తున వచ్చిన తెలుగువారు, హోదా కోసం ఇండస్ట్రీ పోరాడాలని డిమాండ్ చేశారు.
నల్ల దుస్తులు ధరించి నిరసనలు తెలిపారు. తమిళనాడు సినీ పరిశ్రమను చూసి బుద్ధి తెచ్చుకోవాలని, హోదా పోరాటంలో సినీ పరిశ్రమ కలసి రావాలని నినాదాలు చేశారు. ఇకనైనా సినీ పెద్ద‌ల ఆలోచ‌న‌లో మార్పు వ‌స్తుందేమో చూడాలి.