నాని జెర్సీ టీజ‌ర్ వ‌చ్చేస్తోంది..!

దేవ‌దాస్ సినిమా త‌ర్వాత నాని న‌టిస్తోన్న చిత్రం జెర్సీ. ఈ చిత్రానికి మ‌ళ్లీ రావా ఫేమ్ గౌత‌మ్ తిన్న‌నూరి ద‌ర్శ‌క‌త్వం వ‌హిస్తున్నాడు. వైవిధ్య‌మైన క‌థాంశంతో రూపొందుతోన్న ఈ సినిమాని సితార ఎంట‌ర్‌టైన్మెంట్స్ బ్యాన‌ర్ పైన నాగ వంశీ నిర్మిస్తున్నారు. ప్ర‌స్తుతం హైద‌రాబాద్‌లో శ‌ర‌వేగంగా షూటింగ్ జ‌రుపుకుంటోంది. ఇందులో నాని క్రికెట‌ర్‌గా న‌టిస్తున్నాడు. కిరాక్‌ పార్టీ ఫేమ్‌ శ్రద్దా శ్రీనాథ్‌ నానికి జోడిగా నటిస్తున్నారు. ఈ సినిమాకు తమిళ సంచలనం అనిరుధ్‌ సంగీతాన్ని అందిస్తున్నారు. 

ఇక అస‌లు విష‌యానికి వ‌స్తే.. ఈ చిత్రం ఫస్ట్ లుక్‌ను ఇటీవల విడుద‌ల చేసిన విష‌యం తెలిసిందే. ఈ ఫ‌స్ట్ లుక్‌కి పాజిటివ్ ఫీడ్ బ్యాక్ వచ్చింది. ఇప్పుడు ఈ మూవీ టీజర్‌ను సంక్రాంతి కానుకగా విడుదల చేయనున్నారు. జనవరి 12న ఈ చిత్ర టీజర్‌ను విడుదల చేయనున్నట్లు మేకర్స్‌ ప్రకటించారు. ఇక ఈ మూవీని ఏప్రిల్‌లో ప్రేక్షకుల ముందుకు తీసుకువ‌చ్చేందుకు ఏర్పాట్లు చేస్తున్నారు.