శ్రీకాంత్ అడ్డాల.... కొత్త బంగారు లోకం సినిమాతో తెలుగుతెర‌కు ప‌రిచ‌య‌మైన టాలెంటెడ్ డైరెక్ట‌ర్. ఆ త‌ర్వాత చాలా సంవ‌త్స‌రాల త‌ర్వాత అస‌లు సిస‌లైన మ‌ల్టీస్టార‌ర్ చిత్రం సీత‌మ్మవాకిట్లో సిరిమ‌ల్లె చెట్టు తెర‌కెక్కించి సంచ‌ల‌నం సృష్టించారు. ఆ త‌ర్వాత ముకుంద, బ్ర‌హ్మోత్స‌వం తెర‌కెక్కించారు. ఈ రెండింటిలో ముకుంద హిట్టు.. బ్ర‌హ్మోత్స‌వం ఫట్టు.
అంతే... అప్ప‌టి నుంచి శ్రీకాంత్ అడ్డాల ఎవ‌రితో సినిమా చేయ‌నున్నాడో తెలియ‌లేదు. అయితే... ఇటీవ‌ల నానితో శ్రీకాంత్ అడ్డాల సినిమా అంటూ వార్తలు వ‌స్తున్నాయి. దీనికి కూచిపూడి వారి వీధి అనే టైటిల్ కూడా ప్ర‌చారంలోకి వ‌చ్చింది. నానికి క‌థ కూడా వినిపించి ఓకే చేయించుకున్నాడని టాక్‌ వినిపించింది.
అయితే... ఇదే విషయాన్ని సోషల్‌ మీడియాలో అభిమానులు నాని దృష్టికి తీసుకురాగా ఓ క్లారిటీని ఇచ్చాడు. అదంతా అవాస్తవని స్పష్టం చేశాడు. ఫాల్స్‌ న్యూస్‌ మై బాయ్స్‌ అంటూ రిప్లై ఇచ్చాడు. దీంతో వీరి కాంబినేషన్‌లో ఆ చిత్రం రావడంలేదని తేలిపోయింది. శ్రీకాంత్ అడ్డాల ఎప్ప‌టి నుంచో ట్రై చేస్తునే ఉన్నాడు కానీ... సెట్ కావ‌డం లేదు. నాని ఓకే అన్నాడు అనుకుంటే ఇలా షాక్ ఇచ్చాడు. పాపం.. శ్రీకాంత్ అడ్డాల ఎప్ప‌టికి సినిమా చేస్తాడో..?