ఫిబ్రవరిలో బ్రహ్మాండ నాయకుడికి బ్రహ్మోత్సవం... సిద్ధమవుతున్న నాగార్జున

బ్రహ్మాండ నాయకుడి బ్రహ్మోత్సవం వచ్చే నెలలో జరుగనుంది. ఇందుకోసం టాలీవుడ్ హీరో నాగార్జున సిద్ధమవుతున్నారు. తెలుగు చిత్ర పరిశ్రమలో ప్రయోగాత్మక కమర్షియల్ చిత్రాల్లో నటించి తనదైన ముద్రవేసిన హీరో ఈ టాలీవుడ్

బ్రహ్మాండ నాయకుడి బ్రహ్మోత్సవం వచ్చే నెలలో జరుగనుంది. ఇందుకోసం టాలీవుడ్ హీరో నాగార్జున సిద్ధమవుతున్నారు. తెలుగు చిత్ర పరిశ్రమలో ప్రయోగాత్మక కమర్షియల్ చిత్రాల్లో నటించి తనదైన ముద్రవేసిన హీరో ఈ టాలీవుడ్ మన్మథుడు. అదే తరహాలో భక్తిరస పాత్రల్లో పరకాయ ప్రవేశం చేసి వాటికి ప్రాణప్రతిష్ట చేశారు. తాజాగా నాగార్జున నటిస్తున్న భక్తిరసప్రధాన చిత్రం "ఓం నమో వెంకటేశాయ". 

శ్రీనివాసుడి పరమభక్తుడైన హథీరామ్ బాబా జీవిత కథకు ఆధారంగా చేసుకుని ఈ చిత్రాన్ని నిర్మించారు. కె.రాఘవేంద్ర రావు దర్శకత్వం వహిస్తున్నారు. సాయికృపా ఎంటర్‌టైన్‌మెంట్ పతాకంపై ఎ.మహేష్‌ రెడ్డి నిర్మిస్తున్నారు. ఫిబ్రవరి 10న ప్రపంచ వ్యాప్తంగా విడుదల చేయడానికి సన్నాహాలు చేస్తున్నారు. 

ఈ సందర్భంగా నిర్మాత చిత్ర విశేషాలు తెలియజేస్తూ 16 శతాబ్దంలో కలియుగ ప్రత్యక్షదైవం శ్రీవెంకటేశ్వరుని పరమభక్తుడిగా నీరాజనాలందుకున్న హాథీరామ్‌బాబా జీవిత కథ ఆధారంగా ఈ చిత్రాన్ని రూపొందిస్తున్నాం. చిత్రీకరణ పూర్తయింది. ప్రస్తుతం గ్రాఫిక్ వర్క్ జరుగుతోంది. ఈ నెల 8న పాటల్ని విడుదల చేస్తున్నాం. 

ఈ సినిమాలో వెంకటేశ్వరస్వామిగా సౌరబ్‌జైన్, భక్తురాలు కృష్ణమ్మగా అనుష్క నటిస్తోంది. ప్రతి ఒక్కరిలోనూ భక్తిభావనలు పెంపొందించేలా ఈ సినిమాను తీర్చిదిద్దుతున్నాం అన్నారు. జగపతిబాబు, ప్రగ్యాజైస్వాల్, విమలారామన్ తదితరులు నటిస్తున్నారు.