నాగచైతన్యను భలే వాడేసుకుంటున్న సమంత... పర్ఫెక్ట్ కపుల్ అంటే...

ఇదివరకు అమ్మాయిలు అంటే వంటింటి కుందేళ్లు అని అనేసేవారు. కానీ ఆ సామెతను తిరగరాయాలని ఎంతమంది చూసినా పరిస్థితిలో మార్పులేదు. కానీ ఇప్పుడిప్పుడే పరిస్థితుల్లో మార్పులు వస్తున్నాయి. అబ్బాయిలు కూడా బ్రహ్మాండంగా వంట చేసి పెడుతున్నారు. ఖాళీ దొరికితే చాలు భర్

ఇదివరకు అమ్మాయిలు అంటే వంటింటి కుందేళ్లు అని అనేసేవారు. కానీ ఆ సామెతను తిరగరాయాలని ఎంతమంది చూసినా పరిస్థితిలో మార్పులేదు. కానీ ఇప్పుడిప్పుడే పరిస్థితుల్లో మార్పులు వస్తున్నాయి. అబ్బాయిలు కూడా బ్రహ్మాండంగా వంట చేసి పెడుతున్నారు. ఖాళీ దొరికితే చాలు భర్తలు కూడా భార్యలకు మంచి పకోడీలు, జంతికలు ఎంచక్కా వండిపెడుతున్నారు. ఇక ఆదివారం వస్తే మా శ్రీవారు ఎంచక్కా మంచి మసాలా చికెన్ వండి పెట్టారని చెప్పుకునే భార్యలు ఇటీవలి కాలంలో పెరుగుతున్నారు. 

ఇదంతా ఎందుకంటే.. కాబోయే దంపతులు నాగచైతన్య-సమంతలు వీలు చిక్కినప్పుడల్లా చక్కగా వంటింట్లో సందడి చేస్తున్నారు. చైతూ వంట చేస్తూ చక్కగా వడ్డించేస్తున్నాడు. తాజాగా సమంత తన స్నేహితురాళ్లను తీసుకొస్తే... చైతూ తనే వంట వండి వారికి వడ్డించాడు. అంతా లొట్టలు వేసుకుంటూ ఆ స్నాక్స్ లాగించేశారట. దీనిపై సమంత ఎంతో సంతోషాన్ని వ్యక్తం చేస్తూ... ''నాకు ఇది ఉంటే.. జీవితంలో అంతా ఉన్నట్లే'' అని ఒక క్యాప్షన్ పెట్టింది. అంతేకాదు.. త‌న‌కు కుటుంబమే సమస్తమని, చైతూ పట్ల తనకు ల‌వ్‌, గౌరవం, కృతజ్ఞత అన్నీ ఉన్నాయని హ్యాష్ ట్యాగ్‌లను జోడించింది. ఎస్... పర్ఫెక్ట్ కపుల్ అంటే అలాగే వుండాలి.