ఎన్‌.టి.ఆర్‌. జూనియర్‌ ఈమధ్య వాణిజ్యప్రకటనలో బిజీగా వుంటున్నాడు. ఫుడ్, డ్రీం క్‌ యాడ్స్‌ను చేస్తూ యూత్‌ను తినమని, తాగమని ఎంకరేజ్‌ చేస్తున్నాడు. మెక్‌డొనాల్డ్‌ స్పైసీ చికెన్‌, యాపీ పిజ్‌ వంటి వాటికి ప్రచారం చేశాడు. కాగా కొత్తగా ఓ యాడ్‌లో పాల్గొన్నారు. గడ్డెం స్టయిలిష్‌గా పెంచి కళ్ళజోడు టేబుల్‌పై పెట్టి ఇలా బ్లాక్‌ అండ్‌ వైట్‌ ఫోటోను ఈరోజు విడుదల చేశారు.
ఈ వాణిజ్య ప్రకటన కోసం దాదాపు 7 కోట్లు తీసుకున్నాడని పిలింనగర్‌లో వార్తలు వినిపిస్తున్నాయి. ఆ యాడ్‌ ఏమిటి? త్వరలో తెలియజేయనున్నట్లు సోషల్‌మీడియాలో పోస్ట్‌ చేశారు. ఇప్పుడు ఎన్‌.టి.ఆర్‌. నటిస్తున్న దేవర సినిమా షూటింగ్‌ దశలో వుంది. సముద్ర దొంగల నేపథ్యంలో పాన్‌ ఇండియా మూవీగా రూపొందుతోంది. కొరటాల శివ దర్శకత్వం వహిస్తున్న ఈ సినిమాలో జాన్వీకపూర్‌ నాయికగా నటిస్తోంది. ఈ సినిమా తర్వాత హృతిక్‌ రోషన్‌తో కలిపి వార్‌ 2 సినిమా చేయబోతున్నట్లు తెలుస్తోంది.