నాకు క్యాన్సర్ అని తెలుసుకున్నాక.. నా కుమారుడు ఎలా మారిపోయాడంటే: సోనాలీ బింద్రే

మురారి హీరోయిన్ నటి సోనాలీ బింద్రే క్యాన్సర్‌తో బాధపడుతున్న సంగతి తెలిసిందే. న్యూయార్క్‌లో ఆమె చికిత్స పొందుతున్నారు. చికిత్సలో భాగంగా ఇటీవలే సోనాలి తన హెయిర్ స్టైల్ మార్చేసింది. ఆ ఫోటోను కూడా సోషల్ మ

మురారి హీరోయిన్ నటి సోనాలీ బింద్రే క్యాన్సర్‌తో బాధపడుతున్న సంగతి తెలిసిందే. న్యూయార్క్‌లో ఆమె చికిత్స పొందుతున్నారు. చికిత్సలో భాగంగా ఇటీవలే సోనాలి తన హెయిర్ స్టైల్ మార్చేసింది. ఆ ఫోటోను కూడా సోషల్ మీడియాలో పోస్టు చేసింది. తాజాగా సోనాలీ బింద్రే క్యాన్సర్‌తో బాధపడుతున్నట్లు తన కొడుకు చెప్పిన విషయాన్ని ట్విట్టర్ ద్వారా పంచుకుంది. 

తన కొడుకు 12 సంవత్సరాలుగా తన మంచి చెడులకు జవాబుదారీగా ఉన్నాడని.. వాడు పుట్టినప్పటి నుంచి తాను, తన భర్త గోల్డి బెహల్ వాడి సంతోషం, శ్రేయస్సే లక్ష్యంగా ఏ పనైనా చేశామని తెలిపారు. అయితే తనకు ఈ వ్యాధి వచ్చిందనే విషయాన్ని ఎలా చెప్పాలనే డైలమాలో పడిపోయామని, వాడికి కాపాడుకునేందుకు నిజాలను చెప్పేశామన్నారు. 

అలా చెప్పగానే తన కుమారుడు మెచ్యూర్‌గా మారిపోయాడు. పాజిటివ్‌గా తీసుకున్నాడు. ప్రస్తుతం తనకు బలంగా మారిపోయాడని, అఫ్పుడప్పుడు ఓ తల్లిగా మారిపోయి తన పనులను చూస్తుంటాడని, పిల్లలను ఇలాంటి పరిస్థితుల్లో ఇన్వాల్వ్ చేయడం అత్యవసరమని తాను నమ్ముతానని సోనాలీ బింద్రే వెల్లడించింది. ప్రస్తుతం తన కుమారుడు రణ్‌వీర్‌తో ఎక్కువ సమయం గడుపుతున్నానని తెలిపింది.