''పులి'' రిలీజ్ తొలి రోజే ఆ సినిమా హీరో విజయ్ నివాసంలో ఆదాయ పన్ను అధికారులు సోదాలు నిర్వహించడంతో పాటు రూ.100 కోట్లు కూడా స్వాధీనం చేసుకున్నట్లు మీడియాలో వస్తున్న వార్తలపై తమిళ నటుడు విజయ్ స్పందించారు. ఐదేళ్లుగా పన్నును కట్టకుండా ఎగ్గొట్టినట్లు వస్తున్న వార్తల్లో ఎలాంటి నిజం లేదని, ఇలాంటి అసత్య వార్తల్ని మీడియా ప్రచురించడం సరికాదన్నారు.
ఇప్పటికే టాక్స్లన్నింటినీ సక్రమంగా చెల్లించానని.. ఈ ఏడాది పన్ను కూడా ముందుగానే కట్టేశానని విజయ్ తెలిపారు. ఈ వార్తల ద్వారా తమ కుటుంబసభ్యులు ఆవేదనకు గురైయ్యారని పులి హీరో వ్యాఖ్యానించారు. మీడియాలో ఇలాంటి వార్తలు రావడంతో తన అభిమానులు, కుటుంబ సభ్యులు హర్ట్ అయ్యారని విజయ్ తెలిపారు. కాగా సెప్టెంబర్ 30వ తేదీ ఐటీ అధికారులు విజయ్, నయనతార, సమంత ఇళ్లపై సోదాలు నిర్వహించిన సంగతి తెలిసిందే.