బిగ్ బాస్ స్టార్ మోనాల్‌కు దశ తిరిగింది. బిగ్ బాస్ హౌజ్‌కు వెళ్ళొచ్చిన తర్వాత ఆమెకు ఆఫర్లు వెల్లువెత్తుతున్నాయి. బిగ్ బాస్ హౌజ్‌కు వెళ్ళకముందు పలు సినిమాలలో నటించిన మోనాల్ గజ్జర్ పెద్దగా పేరు ప్రఖ్యాతలు పొందలేకపోయింది. ఎప్పుడైతే బిగ్ బాస్ హౌజ్‌లో అడుగుపెట్టిందో ఈమెకు భలే క్రేజ్ వచ్చేసింది.
కొందరు బిగ్ బాస్ దత్త పుత్రిక అని, మరి కొందరు నర్మదా అని ఇంకొందరు గుజరాతీ బ్యూటీ అని ముద్దుగా పిలుచుకున్నారు. దాదాపు 14వారాల పాటు హౌజ్‌లో ఉండి వచ్చిన మోనాల్ ప్రస్తుతం పలు షోస్‌తో పాటు సినిమాలు కూడా చేస్తుంది. రీసెంట్‌గా అల్లుడు అదుర్స్ అనే సినిమాలో స్పెషల్ సాంగ్ చేసినట్టు సమాచారం.
ప్రస్తుతం కాల్షీట్స్ ఫుల్ బిజీగా ఉన్న నేపథ్యంలో మోనాల్ తన మకాంను గుజరాత్ నుండి హైదరాబాద్‌కు మార్చనున్నట్టు వార్తలు వినిపిస్తున్నాయి.
రానున్న రోజులలో ఇక్కడో ఫ్లాట్ కూడా కొనాలని మోనాల్ భావిస్తుందట. బిగ్ బాస్ హౌజ్‌లో ఉన్న సమయంలో మోనాల్ తన ప్రేమ గురించి కూడా ఓపెన్ అయిన విషయం తెలిసిందే.
మలయాళంలో ఇండస్ట్రీకి చెందిన ఒక వ్యక్తితో ప్రేమలో పడగా, అది బ్రేకప్ కావడంతో కొన్నాళ్లు డిప్రెషనల్ ఉండిపోయింది మోనాల్. బిగ్ బాస్ దయ వలన ప్రస్తుతం మోనాల్ లైఫ్ సాఫీగానే సాగుతున్నట్టు అర్ధమవుతుంది.