ఈ లాక్‌డౌన్ చాలా మందిలోని టాలెంట్స్‌ను ప్రపంచానికి తెలియచెపుతోంది. కరోనా వైరస్ వ్యాప్తి అడ్డుకట్ట కోసం ఈ లాక్‌డౌన్ అమలు చేస్తున్నారు. దీంతో ప్రతి ఒక్కరూ తమతమ ఇళ్ళకే పరిమితమైవున్నారు. ఇదే చాలా మందికి ఓ మంచి అవకాశంలా మారింది. తమలోని టాలెంట్‌ను బహిర్గతం చేసుకునేందుకు అమితాసక్తిని ప్రదర్శిస్తున్నారు. ఇప్పటికే అనేక మంది సెలెబ్రిటీలు తమ ప్రతిభను కనపరుస్తూ వీడియోలు తీసి షేర్ చేస్తున్నారు.
తాజాగా మెగా ఫ్యామిలీకి చెందిన పలువురు లేడీస్ ఓ మెగా మేకప్ ఛాలెంజ్ పోటీని నిర్వహించారు. మెగాస్టార్ చిరంజీవి చిరంజీవి పెద్ద కూతురు సుస్మిత ఈ మేకప్ ఛాలెంజ్ ప్రారంభించింది. ఆ తర్వాత నిహారిక, చిరు చిన్న కూతురు శ్రీజతో పాటు అల్లు అర్జున్ భార్య స్నేహతో పాటు మిగిలిన మెగా ఫ్యామిలీకి చెందిన మహిళలు ఇందులో భాగస్వాములయ్యారు. వీళ్లంతా కలిసి చేసిన ఈ మేకప్ ఛాలెంజ్ వీడియో ఇపుడు సోషల్ మీడియాను షేక్ చేస్తోంది.