మీకు మాత్ర‌మే చెప్తా టీజ‌ర్ టాక్ ఏంటి..?

ఎవ‌డే సుబ్ర‌మ‌ణ్యం, పెళ్లి చూపులు, అర్జున్ రెడ్డి చిత్రాల‌తో సెన్సేష‌న్ క్రియేట్ చేసిన సంచ‌ల‌న హీరో విజ‌య్ దేవ‌ర‌కొండ‌. ఇప్ప‌టివ‌రకు హీరోగా స‌క్స‌స్ సాధించిన ఈ హీరో నిర్మాత‌గా కూడా త‌న అదృష్టాన్ని ప‌రీక్షించ‌కోబోతున్నాడు. అవును.. విజ‌య్ దేవ‌ర‌కొండ నిర్మాత‌గా మారి సినిమాలు తీయ‌నున్నాడు. 

కింగ్ ఆప్ ది హిల్ ఎంటర్ టైన్మెంట్ బ్యానర్ పైన ఈ సెన్సేషనల్ హీరో విజయ్ దేవరకొండ నిర్మిస్తోన్న తొలి చిత్రం మీకు మాత్రమే చెప్తా. ఎవ్రీ ఫోన్ హ్యాజ్ ఇట్స్ సీక్రెట్స్ అనేది ట్యాగ్ లైన్. 

ద‌ర్శ‌కుడు తరుణ్ భాస్కర్, అభినవ్ గోమటం లీడ్ రోల్స్‌లో నటిస్తున్న ఈ మూవీలో అనసూయ భరద్వాజ్, వాణి భోజన్, పావని గంగిరెడ్డి, నవీన్ జార్జ్ థామస్ ఇతర ముఖ్య పాత్రల్లో నటిస్తున్నారు. 

తాజాగా ఈ చిత్ర టీజర్ను విడుదల చేశారు. టైటిల్‌కు తగ్గట్టుగానే ఫన్ ఎంటర్టైనర్‌గా ఉండబోతోందని టీజర్ చూస్తేనే తెలుస్తుంది. మీకు మాత్రమే చెప్తా అనే క్యాచీ టైటిల్‌తో వస్తోన్న ఈ మూవీ టీజర్‌తోనే ప్రామిసింగ్ మూవీ అనిపించుకుంటోంది.

 చిన్న పాయింట్ చుట్టూ అల్లుకున్న మంచి ఎంటర్టైనర్‌లా కనిపిస్తోంది. ఇక థియేటర్లో పూర్తిగా నవ్వులు పంచేందుకు మూవీ టీమ్ రెడీ అవుతోంది. షూటింగ్ అంతా కంప్లీట్ చేసుకున్న ఈ మూవీ ప్రస్తుతం పోస్ట్ ప్రొడక్షన్ వర్క్స్ దశలో ఉంది. అన్ని కార్యక్రమాలు పూర్తిచేసి చిత్రాన్ని అక్టోబర్ లో రిలీజ్ చేసేందుకు ప్లాన్ చేస్తున్నారు. మ‌రి.. విజ‌య్ నిర్మాత‌గా కూడా రాణిస్తాడేమో చూడాలి.