మంచు మనోజ్ మిగతా నటీనటుల విషయంలో ఎప్పుడూ పాజిటివ్‌గా వ్యవహరిస్తుంటారు. నేడు మెగా పవర్ స్టార్ రాంచరణ్ జన్మదినం సందర్భంగా మంచు మనోజ్ ట్విట్టర్ వేదికగా ఆయనకు పుట్టినరోజు శుభాకాంక్షలు తెలియజేసారు. అయితే ఈ పోస్ట్‌ను ఎంతో వైవిధ్యంగా అనిపించేలా చేయడంలో మెగా ఫ్యాన్స్ దీన్ని చూసి ఫిదా అయిపోతున్నారు. అంతే మనోజ్‌ను పొగడ్తలతో ముంచెత్తుతున్నారు మెగా ఫ్యామిలీ అభిమానులు.
రాంచరణ్ పుట్టినరోజు సందర్భంగా మంచు మనోజ్ తన ట్విట్టర్ ఖాతాలో రామ్ చరణ్‌ను కౌగిలించుకున్న ఫొటో, అలాగే పరస్పరం చేతులు కలిపిన ఫోటోను తమ స్నేహానికి గుర్తుగా షేర్ చేస్తూ ‘బంగారం లాంటి నా బ్రదర్ రాంచరణ్‌కి పుట్టినరోజు శుభాకాంక్షలు. నీకెప్పుడూ ప్రేమాభిమానాలు, ఆనందంతో కూడిన బ్లాక్ బస్టర్ వంటి జీవితం చేకూరాలని కోరుకుంటున్నాను’ అంటూ ట్వీట్ చేసారు.
అయితే ఈ ఫోటోలలో రాంచరణ్ ముఖం మాత్రం ఎక్కడా కనిపించడం లేదు. దీనికి కారణం ఆయన లుక్ లీక్ కాకూదనే ఉద్దేశంతో ఇలా చేసుండొచ్చు. అంతేకాకుండా మనోజ్ పెట్టుకున్న నలుపురంగు టోపీపై RRR అని రాసి ఉంది. అంటే ఫోటోలు ఈ మధ్యకాలంలో తీసుకున్నవే అయ్యుంటాయని అందరూ బావిస్తున్నారు.