మనోజ్‌ బాజ్‌పాయ్‌కి కరోనా.. హోమ్‌ క్వారంటైన్‌కి నటుడు

Manoj Bajpayee

బాలీవుడ్‌ ప్రముఖ నటుడు మనోజ్‌ బాజ్‌పాయ్‌కి కరోనా పాజిటివ్‌ నిర్థారణ అయ్యింది. ఆయన హోమ్‌ క్వారంటైన్‌కి వెళ్లిపోయారు. మహారాష్ట్రలో ప్రస్తుతం కరోనా ఏ విధంగా విజృంభిస్తుందో తెలియంది కాదు. ఈ మధ్య బాలీవుడ్‌ సెలబ్రిటీలైన కొందరికి కరోనా పాజిటివ్‌ వచ్చినట్లుగా వార్తలు వచ్చిన సంగతి తెలిసిందే. 

ఒకవైపు వ్యాక్సిన్‌ వచ్చినా.. మహారాష్ట్రలో మాత్రం కరోనా కంట్రోల్‌లోకి రావడం లేదు. ఇంకా భయాందోళన పరిస్థితులు కొనసాగుతూనే ఉన్నాయనేదానికి మహారాష్ట్ర స్టేటే ఉదాహరణ. ఒక్క మహారాష్ట్ర అనే కాదు.. తెలుగు రాష్ట్రాలలో కూడా కరోనా కేసుల సంఖ్య మళ్లీ పెరుగుతుంది.  

ఇక మనోజ్‌ బాజ్‌పాయ్‌ విషయానికి వస్తే.. ఆయన ఇటీవలే 'ద ఫ్యామిలీ మ్యాన్‌' అనే వెబ్‌ సిరీస్‌తో సందడి చేశారు. తాజాగా ఆయన 'డెస్పాచ్‌' అనే చిత్ర షూటింగ్‌లో పాల్గొంటున్నట్లుగా తెలుస్తుంది. 

మనోజ్‌ బాజ్‌పాయ్‌తో పాటు.. చిత్ర డైరెక్టర్‌కు కూడా కరోనా పాజిటివ్‌ నిర్థారణ కావడంతో.. వారు హోమ్‌ క్వారంటైన్‌కి వెళ్లినట్లుగా తెలుస్తుంది. అయితే ఆయన ఆరోగ్యం విషయంలో ఆందోళన చెందాల్సిన అవసరం లేదని, త్వరలోనే కోలుకుని తిరిగి ఆయన షూటింగ్‌లో పాల్గొంటారని ఆయన సన్నిహితులు చెప్తున్నారు.