బాలీవుడ్ యంగ్ హీరో అర్జున్ కపూర్, సీనియర్ హీరోయిన్ మలైకా అరోరా మధ్య ప్రేమాయణం గురించి వారిద్దరే ఇటీవల ప్రకటించారు. దీంతో ఈ విషయం కాస్తా బాలీవుడ్‌‌లో చర్చనీయాంశంగా మారింది. ప్రస్తుతం మలైకా అరోరా వార్తల్లో నిలిచింది. సాధారణంగా సెలబ్రిటీలు, సినిమా స్టార్స్ అన్నాక డిజైనర్ డ్రెస్సులు, అదిరే కాస్ట్యూమ్స్‌తో పెద్ద పెద్ద ఈవెంట్లకు వెళ్లడం కామన్.
బాలీవుడ్ నటి మలైకా అరోరా సైతం సరికొత్త కాస్ట్యూమ్స్‌తో మెరిసిపోతూ ఓ ఈవెంట్‌కి వెళ్లింది. తాజాగా ప్రముఖ కాస్ట్యూమ్ డిజైనర్ గౌరీ ఖాన్... కాస్ట్యూమ్ డిజైన్ షాప్ ఓపెనింగ్‌కి వెళ్లిన మలైకా డీప్ నెక్ డ్రెస్ వేసుకుంది. ఐతే... ఆ డ్రెస్‌తో ఫొటోగ్రాఫర్లకు ఫోజులిచ్చింది. అంతలోనే తను వేసుకున్న డ్రెస్ వల్ల ఓవర్ ఎక్స్‌పోజింగ్ అవుతోందని గ్రహించిన మలైకా పొరపాటును సరిదిద్దుకుంటూ... అక్కడి నుంచీ చకచకా వెళ్లిపోయింది.
మలైకాపై ఇప్పుడు సోషల్ మీడియాలో ట్రోలింగ్ జరుగుతోంది. ఆమె వేసుకున్న డ్రెస్ సరిగా లేకపోవచ్చు. తన తప్పు తెలుసుకున్నాక ఆమె అక్కడి నుంచీ వెళ్లిపోవడాన్ని బట్టీ ఆమె తన హుందాతనాన్ని కాపాడుకుందనే అనుకోవచ్చు. కానీ కొందరు ఫొటోగ్రాఫర్లు అవే ఫొటోలు, వీడియోలను సోషల్ మీడియాలో వైరల్ చేస్తున్నారు.