మేకప్ అంత అసహ్యకరమైంది మరొకటి లేదంటున్న బాలీవుడ్ భామ

మేకప్ లేనిదే ఏ ప్రోగ్రాముకూ రాని హీరోయిన్లు, నటీమణులూ ఉంటున్న బాలీవుడ్‌లో మేకప్ అంటేనే అసహ్యం అని ఒక హీరోయిన్ బోల్డ్ స్టేట్‌మెంట్ ఇస్తోందీ భామ. ఎవరో కాదు ఆషికీ-2తో బాలీవుడ్‌ను ఒక ఊపు ఊపిన శ్రద్దా కపూర్. మోహిత్‌ సూరి దర్శకత్వంలో ‘హాఫ్‌ గర్ల్‌ఫ్రెండ్‌’

మేకప్ లేనిదే ఏ ప్రోగ్రాముకూ రాని హీరోయిన్లు, నటీమణులూ ఉంటున్న బాలీవుడ్‌లో మేకప్ అంటేనే అసహ్యం అని ఒక హీరోయిన్ బోల్డ్ స్టేట్‌మెంట్ ఇస్తోందీ భామ. ఎవరో కాదు ఆషికీ-2తో బాలీవుడ్‌ను ఒక ఊపు ఊపిన శ్రద్దా కపూర్. మోహిత్‌ సూరి దర్శకత్వంలో ‘హాఫ్‌ గర్ల్‌ఫ్రెండ్‌’లో నటిస్తున్న శ్రద్ధాకపూర్‌ మేకప్ జోలికి వెళ్లకుండా ఉండటమే ఉత్తమం అంటోంది.

‘‘మేకప్‌ వేసుకొని చక్కగా హెయిర్‌ స్టైల్‌ చేసుకోవాలంటే నాకు చాలా అసహనం. సాదాసీదాగా బయటికి వెళ్లడంలోనే సంతోషం ఉంటుంది వ్యక్తిగత జీవితంలో నేను మగరాయుడిలా ఉంటాను. ‘హాఫ్‌..’లో నేను పోషిస్తున్న రియా పాత్ర కొంచెం నా వ్యక్తిగత జీవితానికి దగ్గరగా ఉన్నట్టుగా అనిపించింది. కానీ అలా ఉండదు. రియా పాత్రలో ట్రాక్‌ ఫ్యాంట్లు, స్లిప్పర్స్‌తోనే కనిపిస్తాను. దిల్లీలో ఉండే ధనికుల కుటుంబానికి చెందిన అమ్మాయి పాత్ర అది. బాడీ లాంగ్వేజి కోసం సూరి చాలా జాగ్రత్తలు తీసుకున్నారు. ఆ పాత్ర చాలా ఛాలెంజింగ్‌ అనిపించింది’’  అంటూ తన అంతరంగాన్ని విప్పి చెప్పింది శ్రద్ధా. 

చిన్న చిన్న విషయాలే తనకు ఎక్కువ ఆనందం ఇస్తాయంటోంది శ్రద్ధ. ‘‘వర్షంలో తడవడం చిన్న విషయమే కానీ తొలకరి జల్లుల్లో తడిస్తే మాటల్లో చెప్పలేని ఆనందం దక్కుతుంది. సినిమాల్లో అలాంటి సన్నివేశాలు చేయడం మరీ ఇష్టమ’’ని చెప్పింది