బర్త్‌డే బాష్‌లో తళుక్కుమన్న ఎన్టీఆర్, మహేష్ బాబు

టాలీవుడ్ చిత్ర పరిశ్రమలో అగ్ర తారలైన సూప‌ర్ స్టార్ మ‌హేష్ బాబు, జూనియ‌ర్ ఎన్టీఆర్‌ల మ‌ధ్య ఎంత‌టి స‌ఖ్య‌త‌ ఉందో ప్ర‌త్యేకంగా చెప్ప‌న‌క్క‌ర్లేదు. గతంలోనూ మహేష్ ఎన్టీఆర్ నటించిన బాద్‌షా సినిమాకి వాయిస్ ఓవర్ ఇచ్చాడు. మ‌హేష్ న‌టించిన భ‌ర‌త్ అనే నేను మూవీ ప్రీ రిలీజ్ వేడుక‌కి ముఖ్య అతిధిగా వెళ్ళిన ఎన్టీఆర్ ఆ త‌రువాత పలు మార్లు మ‌హేష్‌ని క‌లిసాడు. 

ప్రైవేటు పార్టీలో వీరిద్దరూ కలిసి చాలా సార్లు సందడి చేసారు. తాజాగా దర్శకుడు వంశీ పైడిపల్లి శ్రీమతి మాలిని బర్త్‌డే వేడుకకి ఎన్టీఆర్, మహేష్ తమ ఫ్యామిలీలతో హాజరై పార్టీకి మరింత కళ తీసుకొచ్చారు. ప్రస్తుతం వీరి ఫ్యామిలీ ఫోటోలు సోషల్ మీడియాలో చక్కర్లు కొడుతున్నాయి. మహేష్ ప్రస్తుతం వంశీ పైడిపల్లి దర్శకత్వంలో మహర్షి అనే చిత్రంలో నటిస్తుండగా, ఈ చిత్రం మే 9న విడుదల కానుంది. 

ఇక ఎన్టీఆర్ అయితే రాజమౌళి తెరకెక్కిస్తున్న క్రేజీ ప్రాజెక్ట్‌తో బిజీగా ఉన్నాడు. వంశీ పైడిపల్లి దర్శకత్వంలో ఎన్టీఆర్, బృందావనం అనే చిత్రం చేయగా అప్పటినుండి వీరిద్దరి మధ్య అనుబంధం నెలకొంది.