2017లో 24-25-26 సినిమాలు ఆ ముగ్గురితో చేస్తున్నా.. ట్విట్టర్లో క్లారిటీ ఇచ్చిన మహేష్ బాబు..

బ్రహ్మోత్సవం ఆశించిన స్థాయిలో గుర్తింపు సంపాదించిపెట్టకపోవడంతో తదుపరి సినిమాల ఎంపికలో టాలీవుడ్ ప్రిన్స్ మహేష్ బాబు ఆచితూచి వ్యవహరిస్తున్నారు. పనిలో పనిగా సినిమాల వేగాన్ని పెంచుతున్నారు. ఓ సినిమా సెట్స

బ్రహ్మోత్సవం ఆశించిన స్థాయిలో గుర్తింపు సంపాదించిపెట్టకపోవడంతో తదుపరి సినిమాల ఎంపికలో టాలీవుడ్ ప్రిన్స్ మహేష్ బాబు ఆచితూచి వ్యవహరిస్తున్నారు. పనిలో పనిగా సినిమాల వేగాన్ని పెంచుతున్నారు. ఓ సినిమా సెట్స్‌పై ఉండగానే మరో మూడు చిత్రాల్ని అంగీకరించారు. ప్రస్తుతం మురుగదాస్ దర్శకత్వంలో తెలుగు, తమిళ భాషల్లో రూపొందుతున్న చిత్రంలో నటిస్తున్న సంగతి తెలిసిందే. 

మురుగదాస్‌తో పనిచేయాలనే తన కల ఈ సినిమాతో నెరవేరిందని ట్విట్టర్ ద్వారా మహేష్ బాబు ప్రకటించారు. ఈ సినిమా తర్వాత శ్రీమంతుడు ఫేమ్ కొరటాల శివతో సినిమా చేస్తున్నట్లు కూడా మహేష్ తెలిపారు. మహేష్ నటించనున్న ఈ 24వ సినిమాను డి.వి.వి ఎంటర్‌టైన్‌మెంట్స్ సంస్థ నిర్మించనుంది. వంశీపైడిపల్లి దర్శకత్వంలో నటించేందుకు గ్రీన్‌సిగ్నల్ ఇచ్చారు ప్రిన్స్. 

దిల్‌రాజు, అశ్వినిదత్ సంయుక్తంగా ఈ చిత్రాన్ని నిర్మించనున్నారు. ఈ ఏడాది ద్వితీయార్థంలో ఈ సినిమా ప్రారంభం కానుంది. తన 26వ సినిమాను త్రివిక్రమ్ దర్శకత్వంలో చేస్తారని... మైత్రీ మూవీ మేకర్స్ ఈ చిత్రాన్ని నిర్మించనుంది.