"మధురవాణి (ఎంఏ గోల్డ్ మెడలిస్ట్).. ఇది మహానటిలో ఆమె పేరు..

ప్రముఖ నిర్మాత సి. అశ్వినీదత్, నాగ్ అశ్విన్ దర్శకత్వంలో తెరకెక్కిస్తున్న చిత్రం "మహానటి". ప్రముఖ సీనియర్ నటి సావిత్రి జీవిత చరిత్ర ఆధారంగా ఈ చిత్రాన్ని నిర్మించగా, ఈనెల 9వ తేదీన ప్రేక్షకుల ముందుకురాను

ప్రముఖ నిర్మాత సి. అశ్వినీదత్, నాగ్ అశ్విన్ దర్శకత్వంలో తెరకెక్కిస్తున్న చిత్రం "మహానటి". ప్రముఖ సీనియర్ నటి సావిత్రి జీవిత చరిత్ర ఆధారంగా ఈ చిత్రాన్ని నిర్మించగా, ఈనెల 9వ తేదీన ప్రేక్షకుల ముందుకురానుంది. 

కీర్తి సురేష్ ప్రధాన పాత్రలో నటించిన ఈ సినిమా ప్రచారంలో భాగంగా ఒక్కో పోస్టర్‌ని చిత్ర యూనిట్ రిలీజ్ చేస్తోంది. ఇందులోభాగంగా, శుక్రవారం సమంత పాత్రకు సంబంధించిన లుక్‌ని రిలీజ్ చేసింది. ఈ లుక్‍ని సమంత ట్విట్టర్‌లో పోస్ట్ చేసి, సంతోషాన్ని వ్యక్త పరిచింది. మహానటిలో తన క్యారెక్టర్ చాలా బాగుంటుందని, మధురవాణిగా పరిచయంకానున్నట్లు తెలిపింది. 

ఈ ఫోటోలో "నా పేరు కన్యాశుల్కంలో సావిత్రి గారి పేరే.. మధురవాణి (బీఏ గోల్డ్ మెడలిస్ట్)" అని ఉంది. ఇప్పటికే రంగస్థలం సినిమాలో రామలక్ష్మిగా.. ఇప్పుడు మధురవాణిగా.. రేపు ఇంకెలాంటి క్యారెక్టర్‌తో వస్తారో అంటూ ఫ్యాన్స్ కామెంట్స్ చేస్తున్నారు. 

కాగా, ఈ చిత్రంలో సీనియర్ నటుడు మోహన్‌బాబు, ప్రకాశ్‌రాజ్‌, విజయ్‌ దేవరకొండ, షాలిని పాండే తదితరులు ప్రధాన పాత్రలు పోషిస్తున్న విషయం తెలిసిందే. ఇందులో సావిత్రి నిజ జీవితంలో, కెరీర్ పరంగా ఎదుర్కొన్న ఆటుపోట్లను దృశ్యరూపకంగా చూపించనున్నారు.