లియో ట్రైలర్ రిలీజ్.. ఆకట్టుకుంటున్న సీన్స్.. డైలాగ్‌లో ఆ మాట..

Leo

కోలీవుడ్ అగ్రహీరో విజయ్ లియో సినిమాతో వస్తున్నాడు. విజయ్ - లోకేశ్ కనగరాజ్ కాంబినేషన్‌లో మాస్టర్ తర్వాత వస్తున్న చిత్రమిది. సెవెన్ స్క్రీన్ స్టూడియో బ్యానర్ పై ఈ సినిమాను లలిత్ కుమార్ నిర్మించాడు. త్రిష కథానాయికగా నటించిన ఈ సినిమాలో సంజయ్ దత్, అర్జు, గౌతమ్ మీనన్, మన్సూర్ అలీఖాన్, ప్రియా ఆనంద్ కనిపించనున్నారు.

ఈ నెల 19వ తేదీన పాన్ ఇండియా స్థాయిలో ఈ సినిమా ప్రేక్షకుల ముందుకు రానుంది. ఈ సినిమా ట్రైలర్ తాజాగా విడుదలైంది. ప్రధానమైన పాత్రలను కవర్ చేస్తూ కట్ చేసిన ఈ ట్రైలర్ ఆకట్టుకుంటోంది. యాక్షన్, ఎమోషన్స్‌తో కూడిన సీన్స్ సినిమాపై భారీ అంచనాలను పెంచేశాయి. ఇందులోని డైలాగ్స్ అదుర్స్ అనిపించాయి. 

అనిరుధ్ సంగీతం ఈ సినిమాకి అదనపు బలంగా నిలుస్తుందని అంటున్నారు. అలాగే భారీ తారాగణం కూడా ఈ సినిమాకి ప్రత్యేకమైన ఆకర్షణగా నిలుస్తుందని చెబుతున్నారు.