నేను తల్లి కాబోతున్నానా? ఓరి నాయనో.. వాళ్లకి దండేసి దండం పెట్టాలి: లాస్య
యాంకర్ లాస్య మూడు నెలల క్రితం మంజునాథ్ అనే మరాఠా యువకుడిని వివాహం చేసుకున్న సంగతి తెలిసిందే. తాజాగా లాస్యపై సోషల్ మీడియాలో ఓ వార్త హల్ చల్ చేస్తోంది. లాస్య తల్లి కాబోతున్నట్టు ఓ వార్త సోషల్‌మీడియాలో జ
యాంకర్ లాస్య మూడు నెలల క్రితం మంజునాథ్ అనే మరాఠా యువకుడిని వివాహం చేసుకున్న సంగతి తెలిసిందే. తాజాగా లాస్యపై సోషల్ మీడియాలో ఓ వార్త హల్ చల్ చేస్తోంది. లాస్య తల్లి కాబోతున్నట్టు ఓ వార్త సోషల్‌మీడియాలో జోరుగా ప్రచారం జరుగుతోంది. తల్లికాబోతుండటం ద్వారా ఏ షోను ఒప్పుకోవట్లేదని కూడా ప్రచారం సాగుతోంది. అయితే ఈ వార్తను గమనించిన లాస్య షాక్ అయ్యింది.
‘ఓరి నాయనో.. ఇలాంటి ఫేక్ న్యూస్ క్రియేట్ చేసే వాళ్లకి దండేసి దండం పెట్టాలి.. దేవుడా’ అని కామెంట్ చేసింది. పెళ్లికి ముందు లాస్యపై ఎన్నో రూమర్లు, ఫేక్ వార్తలు చక్కర్లు కొట్టాయి. కానీ పెళ్లి చేసుకుని హ్యాపీగా ఉందామనుకున్న లాస్యను ఏదో ఒక విధంగా వార్తల్లోకి లాగుతున్నారు.
ఇదిలా ఉంటే.. బుల్లితెరపై తనదైన స్టైల్‌లో పేరు తెచ్చుకున్న లాస్య.. ఇంజనీరింగ్ డిగ్రీ పూర్తి చేసుకుని యాంకరింగ్ లోకి అడుగుపెట్టిన సంగతి తెలిసిందే. తన కో-యాంకర్ రవితో కలిసి చేసిన మొండి-మొగుడు పెంకి పెళ్లాం, సమ్‌థింగ్ స్పెషల్ వంటి షోలతో పాపులర్ అయ్యింది. ఈ నేపథ్యంలో యాంకర్ రవికి లాస్యకు మధ్య లవ్ ఎఫైర్ ఉందని, పెళ్లి కూడా జరిగిపోయిందని వార్తలొచ్చిన సంగతి తెలిసిందే.