రెండున్నర నెలల బాబును వదిలి బిగ్‌బాస్‌ హౌజ్‌లోనా?: లాస్య

యాంకర్ రవితో బుల్లితెరను పంచుకుని అతి తక్కువ సమయంలోనే టాప్ యాంకర్ లిస్ట్‌లో చేరిన లాస్య.. ఆపై పెళ్ళికి తర్వాత యాంకరింగ్‌కు దూరమైపోయింది.

ఈ మధ్యకాలంలోనే పండంటి బిడ్డకు జన్మనిచ్చి హ్యాపీగా ఫ్యామిలీ లైఫ్‌ని ఎంజాయ్ చేస్తున్న లాస్యని బిగ్‌బాస్ 3లో కంటెస్టెంట్‌గా చేయమని మాటీవీ యాజమాన్యం కోరిందని.. దీనికి లాస్య కూడా అంగీకరించిందని వార్తలొస్తున్నాయి. అయితే ఈ వార్తలపై లాస్య స్పందించింది. 

బిగ్ బాస్ మూడో సీజన్ కోసం తన ఎంపిక జరిగిపోయిందనే ప్రచారం జరుగుతోంది. అంతేగాకుండా తన స్నేహితులు, బంధువులు తనకు కాల్ చేసి అభినందనలు తెలియజేస్తున్నారు. కానీ ఈ ప్రచారంలో ఎంతమాత్రం నిజం లేదని లాస్య చెప్పుకొచ్చింది. 

ఇంకా తనకు రెండున్నర నెలల బాబు వున్నాడని లాస్య గుర్తు చేసింది. అందుచేత ఈసారికి బిగ్ బాస్ చేసే ఆలోచనలేదు. మరెప్పుడైనా అవకాశం వస్తే అప్పుడు చూద్దామని లాస్య క్లారిటీ ఇచ్చింది.