నేచుర‌ల్ స్టార్ నాని న‌టించిన తాజా చిత్రం జెర్సీ. మ‌ళ్లీ రావా ఫేమ్ గౌత‌మ్ తిన్న‌నూరి ఈ చిత్రానికి ద‌ర్శ‌కుడు. వైవిధ్య‌మైన క‌థాంశంతో రూపొందిన జెర్సీ చిత్రాన్ని ఏప్రిల్ 19న రిలీజ్ చేయ‌నున్న‌ట్టు చిత్ర నిర్మాణ సంస్థ సితార ఎంట‌ర్టైన్మెంట్స్ సంస్థ అఫిషియ‌ల్‌గా ఎనౌన్స్ చేసింది. అయితే... ఏప్రిల్ 19నే కాంచ‌న 3 సినిమాని రిలీజ్ చేస్తున్న‌ట్టు ప్ర‌క‌టించిన లారెన్స్ నానికి షాక్ ఇచ్చారు. ఈ సినిమా తెలుగు, త‌మిళ్‌లో రిలీజ్ కానుంది. దీంతో నాని సోలో రిలీజ్ ఛాన్స్‌కి కాంచ‌న 3 బ్రేక్ వేసిందని చెప్ప‌చ్చు.
రాఘ‌వ లారెన్స్ తెర‌కెక్కించిన హ‌ర్ర‌ర్ మూవీస్‌కి బి, సి సెంట‌ర్స్‌లో మంచి క‌లెక్ష‌న్స్ వ‌స్తుంటాయి. ఇది నాని జెర్సీకి గ‌ట్టి దెబ్బే. మ‌రి.. ఎందుకు నానికి పోటీగా ఈ సినిమా రిలీజ్ చేయాల‌నుకుంటున్నారు అని కాంచ‌న 3 టీమ్‌ని అడిగితే... నాని జెర్సీ మే 1కి వాయిదా వేసే అవ‌కాశాలు ఉన్నాయి. అందుచేత‌నే కాంచ‌న 3 చిత్రాన్ని ఏప్రిల్ 19న రిలీజ్ చేస్తున్నామ‌ని కాంచ‌న 3 టీమ్ చెబుతున్న‌ట్టు వార్తలు వ‌స్తున్నాయి.
ఒకవేళ జెర్సీ రిలీజ్ వాయిదా ప‌డ‌క‌పోతే కాంచ‌న 3 రిలీజ్ పోస్ట్‌పోన్ అయ్యే ఛాన్స్ ఉందంటున్నారు. మ‌రి... ఈ బాక్సాఫీస్ వార్‌లో ఎవ‌రు త‌గ్గుతారో.. ఎవ‌రు విన్న‌ర్‌గా నిలుస్తారో తెలియాలంటే కొన్ని రోజులు ఆగాల్సిందే.