జ‌న‌వ‌రి 4న విజ‌య‌వాడ‌లో `ఖైదీ నంబ‌ర్ 150` ప్రి-రిలీజ్, సుందరి సాంగ్(video)

మెగాస్టార్ చిరంజీవి క‌థానాయ‌కుడిగా న‌టిస్తున్న `ఖైదీ నంబ‌ర్ 150` సంక్రాంతి కానుక‌గా రిలీజ‌వుతున్న సంగ‌తి తెలిసిందే. ఇప్ప‌టికే టీజ‌ర్లు, మేకింగ్ వీడియో స‌హా `అమ్మ‌డు లెట్స్ డు కుమ్ముడు` ఆడియో సాంగ్‌కి ప్రేక్ష‌కాభిమానుల నుంచి అద్భుత స్పంద‌న వ‌చ్చింది.

మెగాస్టార్ చిరంజీవి క‌థానాయ‌కుడిగా న‌టిస్తున్న `ఖైదీ నంబ‌ర్ 150` సంక్రాంతి కానుక‌గా రిలీజ‌వుతున్న సంగ‌తి తెలిసిందే. ఇప్ప‌టికే టీజ‌ర్లు, మేకింగ్ వీడియో స‌హా `అమ్మ‌డు లెట్స్ డు కుమ్ముడు` ఆడియో సాంగ్‌కి ప్రేక్ష‌కాభిమానుల నుంచి అద్భుత స్పంద‌న వ‌చ్చింది. మెగాస్టార్ అభిమానులు ఎప్పుడెప్పుడా? అని ఆస‌క్తిగా ఎదురుచూస్తున్న త‌రుణం రానే వ‌చ్చింది. 

జ‌న‌వ‌రి 4న విజ‌య‌వాడలో `ఖైదీ నంబ‌ర్ 150` ప్రి-రిలీజ్ ఫంక్ష‌న్ అభిమానులు, సినీప్ర‌ముఖుల మ‌ధ్య‌ గ్రాండ్‌గా జ‌ర‌ుగ‌నుంది. ఈ విష‌యాన్ని చిత్ర‌నిర్మాత మెగా ప‌వ‌ర్‌స్టార్ రామ్‌చ‌ర‌ణ్ అధికారికంగా ప్ర‌క‌టించారు. 2017 మోస్ట్ ఎవైటింగ్ మూవీ `ఖైదీ నంబ‌ర్ 150` కొత్త సంవ‌త్స‌రాన్ని కొత్త‌గా ప్రారంభించ‌బోతున్న సంద‌ర్భంగా చిత్ర‌ నిర్మాత చ‌ర‌ణ్ ప్రేక్ష‌కాభిమానుల‌కు క్రిస్మ‌స్, కొత్త‌సంవ‌త్స‌ర శుభాకాంక్ష‌లు తెలిపారు. నేటి(శ‌నివారం) సాయంత్రం `ఖైదీనంబ‌ర్ 150` నుంచి `సుంద‌రి..` సాంగ్ లాంచ్ అయిన‌ సంగ‌తి విదిత‌మే.

కొణిదెల ప్రొడ‌క్ష‌న్స్ కంపెనీ నిర్మిస్తున్న‌ ఈ చిత్రానికి వి.వి.వినాయ‌క్ ద‌ర్శ‌క‌త్వం వ‌హిస్తున్నారు. కాజ‌ల్ క‌థానాయిక‌గా న‌టిస్తున్నారు. ర‌త్న‌వేలు ఛాయాగ్ర‌హ‌ణం, దేవీశ్రీ ప్ర‌సాద్ సంగీతం అందించారు. ఈ చిత్రంలో బాలీవుడ్ న‌టుడు త‌రుణ్ అరోరా విల‌న్ పాత్ర‌లో న‌టిస్తున్నారు.