మెగాస్టార్ చిరంజీవి సినిమా ఖైదీ నెం.150 ఆడియో రికార్డులను తిరగరాసింది. ఈ సినిమాలోని 'అమ్మడు లెట్స్ గో కుమ్ముడు' అంటూ సాగే పాటకు నెటిజన్లు బ్రహ్మరథం పట్టారు. దీంతో అతి తక్కువ వ్యవధిలో 20 లక్షల వ్యూస్ త
మెగాస్టార్ చిరంజీవి సినిమా ఖైదీ నెం.150 ఆడియో రికార్డులను తిరగరాసింది. ఈ సినిమాలోని 'అమ్మడు లెట్స్ గో కుమ్ముడు' అంటూ సాగే పాటకు నెటిజన్లు బ్రహ్మరథం పట్టారు. దీంతో అతి తక్కువ వ్యవధిలో 20 లక్షల వ్యూస్ తో రికార్డు నెలకొల్పింది. ఇదే పాట వారం రోజులు తిరిగేసరికి యూ ట్యూబ్‌లో రికార్డులను తిరగ రాస్తూ దూసుకుపోతోందని లహరి మ్యూజిక్ తెలిపింది.
వారం రోజుల్లో 60లక్షల హిట్లు సాధించిందని లహరి మ్యూజిక్ అధికారిక ట్విట్టర్‌లో హర్షం వ్యక్తం చేసింది. ఈ నేపథ్యంలో ఈ సినిమాలో మూడో పాటను ఈ నెల 28న విడుదల చేయనున్నట్టు యూనిట్ తెలిపింది. ఇప్పటికే ఈ సినిమాలో 'అమ్మడు కుమ్ముడు', 'సుందరి' పాటలు విడుదలైన సంగతి తెలిసిందే.
కాగా.. మెగాస్టార్ చిరంజీవి త్వరలో 'ఖైదీ నెం 150' సినిమా ద్వారా ప్రేక్షకుల ముందుకు రాబోతున్న సంగతి తెలిసిందే. దాదాపు పదేళ్ల తర్వాత ఆయన మళ్లీ సినిమాల్లోకి హీరోగా రీ ఎంట్రీ ఇస్తుండటంతో సినిమాపై హైప్ ఓ రేంజిలో ఉంది. ఇప్పటికే ఈ సినిమా ప్రీ-రిలీజ్ బిజినెస్ అంచనాలకు మించేలా జరుగుతోంది. తాజాగా శాటిలైట్ రైట్స్ కూడా ఎవరూ ఊహించని రేటుకు అమ్ముడు పోయాయి. ఓ ప్రముఖ టెలివిజన్ సంస్థ రైట్స్ రూ. 13 కోట్లకు కొనుగోలు చేసినట్లు తెలుస్తోంది.