కేజీఎఫ్ పార్ట్ 2కు సంబంధించిన లేటెస్ట్ అప్డేట్ వచ్చేసింది. కేజీఎఫ్ 200 కోట్లకు పైగా వసూలు చేసి ప్రశాంత్ నీల్ పాన్‌ ఇండియన్ డైరెక్టర్‌గా మార్చేసింది. యష్ రేంజ్ కూడా మరింత పెరిగింది. ఇప్పుడు వీరిద్దరి కాంబినేషన్‌లో తెరకెక్కుతున్న కేజీఎఫ్ 2 చిత్ర షూటింగ్ చిన్న చిన్న ప్యాచ్ వర్కులు మినహా అంతా అయిపోయింది. రీసెంట్‌గా షూటింగ్ అయిపోయిందంటూ టీంతో కలిసున్న ఫోటోను విడుదల చేసాడు ప్రశాంత్ నీల్.
కేజీఎఫ్ 2 కోసం అందరు ఎంతో ఆసక్తిగా ఎదురుచూస్తున్న సమయంలో క్రేజీ అప్ డేట్ ఇచ్చారు మేకర్స్. జనవరి 8 ఉదయం 10.18ని.లకు చిత్ర టీజర్ విడుదల చేయనున్నట్టు పోస్టర్ ద్వారా తెలిపారు. కేజీఎఫ్ 1 విడుదలైన డిసెంబర్ 21న పార్ట్-2కు సంబంధించిన మేజర్ అప్ డేట్ ఇచ్చి ఫ్యాన్స్‌లో ఉత్సాహం నింపారు. కేజీఎఫ్ 2 మొత్తాన్ని 120 కోట్లకు దిల్ రాజు సొంతం చేసుకున్నాడని ప్రచారం జరుగుతోంది. సమ్మర్ లో మూవీ విడుదలకు ప్లాన్ చేస్తున్నారు.