సినీ నటి కరాటే కళ్యాణి హత్యకు కుట్ర?

సినీ నటి కరాటే కళ్యాణి హత్యకు ఎవరైనా కుట్ర పన్నారా? అందుకు ఆమె ఔననే సమాధానం ఇస్తున్నారు. తనను హత్య చేసేందుకు కుట్ర జరుగుతుందని చెప్పారు. తన కారు టైర్లను కోసేశారని, రోడ్డుపై వస్తుండగా టైర్లు పేలిపోయాయని తెలిపారు. ఈ ఘటన హైవేపై జరిగివుంటే తన పరిస్థితి మరోలా ఉండేదని చెప్పారు. 

కాగా, ఖమ్మంలో ఏర్పాటు చేయాలనుకున్న దివంగత ఎన్టీఆర్ విగ్రహంపై ఆమె అనుచిత వ్యాఖ్యలు చేశారు. ఈ వ్యాఖ్యలు ఆమె సినీ కెరియర్‌కే పెను ముప్పుగా మారాయి. మూవీ ఆర్టిస్ట్ అసోసియేషన్ తీవ్రంగా స్పందించి ఏకంగా ఆమె సభ్యత్వాన్ని రద్దు చేసింది. ఈ నేపథ్యంలో కరాటే కళ్యాణి చేసిన వ్యాఖ్యలు ఇపుడు సంచలనంగా మారాయి. 

తనకు ప్రాణహాని వుందని, కొందరు తనను చంపేందుకు ప్రయత్నిస్తున్నారని ఆరోపించారు. తన కారు రెండు  టైర్లను ఇటీవలే గుర్తు తెలియని వ్యక్తులు కోసేశారని, దాన్ని గుర్తించకుండానే తాను ప్రయాణించాని, రోడ్డుపై వెళుతుండగా కారు టైర్లు పేలిపోయాయని చెప్పారు. ఒకవేళ ఈ ఘటన హైవేపై జరిగువుంటే తన పరిస్థితి మరోలా ఉండేదని అన్నారు. కావాలనే ఎవరో తన కారు టైర్లను కొంచె చేశారని చెప్పారు. అందువల్ల తనకు రక్షణ కల్పించాలని ఆమె కోరారు.