సుశాంత్ మరణం ఓ మేలుకొలుపు... కల్మషం లేని నవ్వు : కరణ్ జోహార్

బాలీవుడు యువ హీరో సుశాంత్ సింగ్ రాజ్‌పుత్ ఆత్మహత్యపై బాలీవుడ్ దర్శకుడు కరణ్ జోహార్ భావోద్వేగంగా స్పందించారు. సుశాంత్ మరణం తనకు ఓ మేలు కొలుపు అంటూ వాపోయాడు. పైగా, సుశాంత్ నవ్వు కల్మషం లేనిదని చెప్పుకొచ్చారు. 

సుశాంత్ మరణంపై కరణ్ జోహార్ తన ఇన్‌స్టాగ్రామ్‌లో స్పందించారు. 'గత కొంతకాలంగా సుశాంత్ సింగ్ రాజ్ పుత్‌తో తాను టచ్‌లో లేనని, ఇది తనకెంతో బాధను కలిగిస్తోంది. ఆయన మరణం తనకు ఓ పెద్ద మేలు కొలుపు. అతనికి ఓ స్నేహితుడు అవసరమన్న సంగతిని గుర్తించాను. కానీ, అంతకన్నా లోతుగా వెళ్లలేకపోయినందుకు ఇప్పుడు చాలా బాధపడుతున్నాను. ఇకపై తన జీవితంలో ఎన్నడూ ఇలా చేయబోను. 

పైగా, మనుషుల మధ్య సంబంధాలను మరింతగా పెంచుకోవాల్సిన అవసరం ఎంతైనా ఉందని గ్రహించాను. సుశాంత్‌వి కల్మషం లేని నవ్వులని, ఆయన ఆత్మీయ ఆలింగనాలను తాను ఇప్పుడు కోల్పోయాను అని ఈ బాలీవుడ్ దర్శకుడు కరణ్ జోహార్ వ్యాఖ్యానించారు. కాగా, కరణ్ జోహార్ నిర్మించిన 'డ్రైవ్'లో సుశాంత్ నటించిన సంగతి తెలిసిందే.