కాజల్‌ను కౌగిలిలో నలిపేసిన బ్రహ్మీ... 'ఎం.ఎల్‌.ఏ.'లో సెట్స్‌లో సందడి

టాలీవుడ్ హీరోయిన్ కాజల్ అగర్వాల్‌ను ప్రముఖ హాస్య నటుడు బ్రహ్మానందంను తన కౌగిలిలో బంధించి నలిపేశాడు. దీనికి సంబంధించిన ఫోటోను కాజల్ తన ఇన్‌‍స్టాగ్రామ్ ఖాతాలో పోస్ట్ చేయగా, అది సోషల్ మీడియాలో వైరల్‌గా మ

టాలీవుడ్ హీరోయిన్ కాజల్ అగర్వాల్‌ను ప్రముఖ హాస్య నటుడు బ్రహ్మానందంను తన కౌగిలిలో బంధించి నలిపేశాడు. దీనికి సంబంధించిన ఫోటోను కాజల్ తన ఇన్‌‍స్టాగ్రామ్ ఖాతాలో పోస్ట్ చేయగా, అది సోషల్ మీడియాలో వైరల్‌గా మారింది.

నందమూరి కల్యాణ్‌రామ్‌ హీరోగా నటిస్తోన్న 'ఎం.ఎల్‌.ఏ.' (మంచి లక్షణాలున్న అబ్బాయ్‌) సినిమా సెట్స్‌పై ఆదివారం అడుగుపెట్టింది. ఈ చిత్రంలో కాజల్ అగర్వాల్ హీరోయిన్. తెలుగులో ఆమె హీరోయిన్‌గా నటించిన తొలి చిత్రం 'లక్ష్మీ కల్యాణం'. ఇందులో హీరో కల్యాణ్‌రామే. పదేళ్ల తర్వాత మళ్లీ ఇప్పుడు ఆ ఇద్దరూ జోడీ కట్టడం విశేషం. సెట్స్‌పై కాజల్‌, బ్రహ్మానందంతో కలిసి కల్యాణ్‌రామ్‌ తీసిన సెల్ఫీని తన ట్విట్టర్‌ ఖాతాలో పోస్ట్‌ చేసింది.

"నా తొలి చిత్ర సహ నటుడు నందమూరి కల్యాణ్‌రామ్‌తో.. కొత్త సినిమా ‘ఎం.ఎల్‌.ఏ.’ సెట్స్‌పై మొదటి రోజు.. గడచిన సంవత్సరాలన్నీ స్మృతిలోకి వస్తున్నాయి" అని పేర్కొంది. ఈ చిత్రానికి ఉపేంద్ర మాధవ్‌ దర్శకుడు కాగా, ఈ చిత్రాన్ని బ్లూ ప్లానెట్‌ ఎంటర్‌టైన్‌మెంట్స్‌ ఎల్‌ఎల్‌పి, పీపుల్‌ మీడియా ఫ్యాక్టరీ పతాకాలపై సి. భరత్‌చౌదరి, ఎం.వి. కిరణ్‌రెడ్డి సంయుక్తంగా నిర్మిస్తుండగా, టి.జి. విశ్వప్రసాద్‌ సమర్పిస్తున్నారు. మణిశర్మ స్వరాలు కూరుస్తున్నారు.