ఇలియానా పరిస్థితి చివరికి ఇలా తయారైంది...

నటి ఇలియానా బాలీవుడ్ చేరిన నాటి నుండి దక్షిణాది చిత్రాలలో కనిపించడం తగ్గినా, అప్పుడప్పుడు ఏదో ఒక వార్త ద్వారా తళుక్కుమంటోంది. నటి ఇలియానా మచ్చ లేని అందానికి గల రహస్యాల్ని తాను బ్రాండ్ అంబాసిడర్‌గా ఉంట

నటి ఇలియానా బాలీవుడ్ చేరిన నాటి నుండి దక్షిణాది చిత్రాలలో కనిపించడం తగ్గినా, అప్పుడప్పుడు ఏదో ఒక వార్త ద్వారా తళుక్కుమంటోంది. నటి ఇలియానా మచ్చ లేని అందానికి గల రహస్యాల్ని తాను బ్రాండ్ అంబాసిడర్‌గా ఉంటున్న పాండ్స్ కంపెనీతో పంచుకుంది. సాధారణంగా తాను తక్కువగా మేకప్ చేసుకోవడానికి ప్రాధాన్యతనిస్తానని, దూర ప్రాంతాలకు వెళ్లాల్సి వచ్చినప్పుడు, విమానాలలో ప్రయాణించాల్సినప్పుడు తన మేకప్‌ను ఒకసారి తన సీట్‌లో కూర్చోగానే తీసివేస్తానని, కొద్దిగా హైడ్రాటెడ్ మిస్ట్‌ను ఆపై మాయిశ్చరైజర్ వేసుకొంటానని చెప్పింది.

తన పెదాలకు ఎక్కువ ప్రాధాన్యతనిస్తానని, అవి కళ తప్పకుండా ఉండటానికి ఆయిల్ రిచ్ లిప్ బామ్‌ను వేసుకొంటానని చెప్పింది. నీటిని ఎక్కువగా తీసుకుంటానని, వేడి నీటిలో ముంచిన నాప్కిన్‌తో ముఖాన్ని తుడిచి ఆపై చల్లని నీటిలో ముంచిన నాప్కిన్లతో తుడిస్తే మంచి ఫ్రెష్ ఫీలింగ్ కలుగుతుందని చెప్పింది. మొత్తమ్మీద సినీ ఛాన్సుల్లేక గోళ్లు గిల్లుకుంటున్నానని చెప్పకుండా ఇలా బ్యూటీ టిప్స్ చెపుతోందన్నమాట ఇల్లి.