నటి సమంత అనారోగ్యంతో వున్న సంగతి తెలిసిందే. ఇప్పుడు కోలుకుంటుంది. శాకుంతలం అనే సినిమా చేసింది. అది త్వరలో విడుదల కాబోతుంది. తాజాగా ఆమె విజయ్‌ దేవరకొండతో కలిసి ఖుషి సినిమా చేయబోతోంది. అప్పట్లో ఈ చిత్రానికి సంబంధించిన కొన్ని స్టిల్స్‌ కూడా బయటకు విడుదల చేశారు. ఆ తర్వాత సమంత అనారోగ్య కారణంగా పలు సాంకేతిక కారణాలవల్ల షూటింగ్‌ వాయిదా పడింది. లేటెస్ట్‌గా ఈరోజే ఖుషి షూట్‌ ప్రారంభమయిందని విజయ్‌దేవరకొండ ట్వీట్‌ చేశారు.
vijay-samantha post
ఈ సందర్భంగా విజయ్‌ మాట్లాడుతూ, మేమంతా మీ రాకకోసం ఎదురుచూస్తున్నాం. నీ నవ్వుతో ఖుషి చేయడానికి త్వరగా రావాలని అన్నాడు. ఇందుకు ప్రతిగా సమంత, అతి త్వరలో నేను రాబోతున్నాను. పున:ప్రారంభంగా షూట్‌లో జాయిన్‌ అవుతాను. ఈరోజు రాలేనందుకు విజయ్‌ దేవరకొండ ఫ్యాన్స్‌కు, తన ఫ్యాన్స్‌కూ క్షమాపణలు చెప్పింది. శివనిర్వాణ దర్శకత్వం వహిస్తున్న ఈ సినిమాను మైత్రీ మూవీ మేకర్స్‌ నిర్మిస్తున్నారు.