RK Sagar: ఆయన చనిపోయినప్పుడు చాలా పీలయ్యా : ఆర్.కె. సాగర్

RK Sagar and team

బుల్లితెరపై స్టార్ గా ఎదిగిన ఆర్.కె. సాగర్ సినిమారంగంపై మక్కువతో సినిమాలు చేశాడు. తాజాగా ది 100 సినిమా చేశాడు. పోలీసు పాత్రలో నటించాడు. ఓ ముగ్గురి అధికారుల జీవితాన్ని క్రోడీకరించి సినిమాగా మార్చామని చెబుతున్నాడు. ఈ సినిమా ఈనెల 11న విడుదలకాబోతుంది. ఈ సందర్భంగా పబ్లిసిటీ కోసం హైదరాబాద్ లోని మెట్రో స్టేషన్ల చుట్టూ టీమ్ తో తిరుగుతున్నాడు. 

మొగలిరేకులు టైంలో ప్రతి ఇంటిలోకి వెళ్లిపోయాను. అలా పేరు రావడం దేవక్రుపగా భావిస్తున్నా. నాపేరు ఎంతలా మారిపోయిందంటే.. మా స్నేహితుడి నాన్నగారు చివరిస్టేజీలో వున్నారు. అనారోగ్య సమస్యలతోపాటు మతిమరుపు బాగా వుండేది. ఇంట్లోవారిని కూడా గుర్తుపట్టేవారు కాదు. కానీ టీవీలో నా సీరియల్ ప్రసారం అయ్యేసరికి కుర్చీలో కూర్చుని ఆర్.కె. నాయుడు వచ్చాడా? అంటూ టీవీని చూసి చెప్పేవాడు. అలా నా పేరు బాగా గుర్తుండిపోయింది. పనిమాల నన్నుపిలిపించుకున్నారు. అలాంటి వ్యక్తి ఆ తర్వాత చనిపోయాడని తెలిసే చాలా ఫీలయ్యా.. అంతలా నన్ను గుర్తుపెట్టుకున్న ఆయన చనిపోవడం చాలా బాధేసింది.

ఇక ది 100 సినిమాపరంగా చెప్పాలంటే, సి.పి. ఆనంద్ ను పోలిన కేరెక్టర్ నా పాత్రలో వుంటుంది. పోలీసులు గర్వించే సినిమా అవుతుంది. గతంలో పోలీసు సినిమాలు వచ్చినా ఇది పూర్తి విరుద్ధంగా వుంటుంది. దానికి సీక్వెల్ గా వుంటుందని చివరిలో చెప్పాం. అనుకూలిస్తే సీక్వెల్ చేస్తాం అన్నారు.