చంద్రబాబు నాయుడు, భువనేశ్వరి పెళ్లి ఫోటో.. వర్మ లేటెస్ట్ పోస్టు

తెలుగుదేశం పార్టీ వ్యవస్థాపకులు, మాజీ ముఖ్యమంత్రి, మహానటుడు ఎన్టీఆర్ జీవితంలోని ఓ వివాదాస్పద అధ్యాయాన్ని 'లక్ష్మీస్ ఎన్టీఆర్' పేరుతో సినిమాగా తెరకెక్కించే పనిలో ఉన్నాడు వివాదాస్పద దర్శకుడు రామ్ గోపాల్

తెలుగుదేశం పార్టీ వ్యవస్థాపకులు, మాజీ ముఖ్యమంత్రి, మహానటుడు ఎన్టీఆర్ జీవితంలోని ఓ వివాదాస్పద అధ్యాయాన్ని 'లక్ష్మీస్ ఎన్టీఆర్' పేరుతో సినిమాగా తెరకెక్కించే పనిలో ఉన్నాడు వివాదాస్పద దర్శకుడు రామ్ గోపాల్ వర్మ. లక్ష్మీస్ ఎన్టీఆర్  చిత్రాన్ని తెరకెక్కిస్తానని దర్శకుడు రామ్ గోపాల్ వర్మ ప్రకటించిన నాటి నుంచి ఎన్నో విమర్శలు, ఆరోపణలు వర్మపై వెల్లువెత్తుతున్నాయి. 

ఎన్టీఆర్ కీర్తికి భంగం కలగకుండా ఈ చిత్రాన్ని రూపొందించాలని.. లేకుంటే తీవ్ర పరిణామాలను ఎదుర్కోవాల్సి వుంటుందని తెలుగుదేశం పార్టీ మంత్రులు, నాయకులు హెచ్చరిస్తున్న నేపథ్యంలో.. వర్మ తాజాగా వారికి కౌంటరిచ్చారు. ఈ మేరకు వర్మ తాజాగా, తన ఫేస్ బుక్ ఖాతాలో ఓ పోస్ట్ చేశారు. 

అద్భుత అవగాహనతో, సృజనాత్మకతతో, అసాధారణ రీతిలో హరిణి రూపొందించిన అల్ట్రా అల్టీమేట్ ఇమేజ్ తనను ఎంతగానో ఆకట్టుకుంటుందని వర్మ కామెంట్ చేశారు. ఇందుకు తోడుగా నాడు చంద్రబాబునాయుడు, భువనేశ్వరి వివాహ వేడుకలో ఎన్టీఆర్ దంపతులు ఉన్న ఫొటోను ఉంచి.. దాని కింద లక్ష్మీస్ ఎన్టీఆర్ అనే టైటిల్ పెట్టారు. మరి ఈ ఫోటోకు ఎలాంటి కామెంట్స్ వస్తాయో వేచి చూడాలి.