హీరోయిన్‌కు షాక్ ఇచ్చిన మహాన్ టీమ్: ఏమైందంటే?

vani bhojan

విక్రమ్ తాజా చిత్రం "మహాన్" అమెజాన్ ప్రైమ్ వీడియోలో డైరెక్ట్ డిజిటల్ స్ట్రీమింగ్ అవుతున్న విషయం తెలిసిందే. కార్తీక్ సుబ్బరాజ్ దర్శకత్వం వహించిన ఈ చిత్రంలో విక్రమ్ తనయుడు ధృవ్ మరో ప్రధాన పాత్రలో నటించారు. ఈ చిత్రానికి ప్రేక్షకుల నుండి డీసెంట్ రెస్పాన్స్ వస్తోంది. కానీ ఈ సినిమాలో భాగమైన హీరోయిన్ వాణీ భోజన్ మూవీలో ఒక్క ఫ్రేమ్‌లో కూడా కనిపించకపోవడం ఆమె ఫ్యాన్స్‌కు షాకిచ్చేలా చేసింది. 

ప్రముఖ తమిళ చలనచిత్ర, టెలివిజన్ నటిని ఈ చిత్రంలోని ఓ కీలక పాత్ర కోసం ఎంచుకున్నారు మేకర్స్. కానీ ఏదో కారణాల చేత ఆమె పాత్రను సినిమా నుండి మేకర్స్ తొలగించాలని నిర్ణయించుకున్నారట. సినిమా రన్‌టైమ్ సమస్య కావచ్చు అని కొందరు అభిప్రాయపడుతున్నారు. మరికొందరు ఈ హీరోయిన్ "మహాన్-2"వ భాగంలో ఉండే అవకాశం ఉందంటున్నారు. 

ఇప్పటికే మూవీ దాదాపు 2 గంటల 42 నిమిషాల రన్‌టైమ్‌‌తో సాగింది. వాణి పాత్రను కూడా చేర్చితే నిడివి దాదాపు మూడు గంటలు ఉండేది. బహుశా ఆమె పాత్రను కత్తిరించాలని టీమ్ నిర్ణయించుకోవడానికి అదే కారణం కావచ్చునని సినీ పండితులు అంటున్నారు