జీవితా రాజశేఖర్ కంటతడి పెట్టారు.. ఎందుకో తెలుసా? (వీడియో)

ఒకప్పుడు అంకుశం, మగాడు వంటి పవర్‌ఫుల్‌ పోలీస్‌ ఆఫీసర్‌ పాత్రలతో మెప్పించిన హీరో రాజశేఖర్‌. చాలా గ్యాప్ తర్వాత హీరోగా రాజశేఖర్‌ మంచి హిట్ కొట్టారు. అదీ గరుడ వేగ చిత్రం ద్వారా. రెండేళ్ల క్రితం రాజశేఖర్‌

ఒకప్పుడు అంకుశం, మగాడు వంటి పవర్‌ఫుల్‌ పోలీస్‌ ఆఫీసర్‌ పాత్రలతో మెప్పించిన హీరో రాజశేఖర్‌. చాలా గ్యాప్ తర్వాత హీరోగా రాజశేఖర్‌ మంచి హిట్ కొట్టారు. అదీ గరుడ వేగ చిత్రం ద్వారా. రెండేళ్ల క్రితం రాజశేఖర్‌ నటించిన 'గడ్డం గ్యాంగ్‌' ప్లాప్‌ అయిన తర్వాత.. రాజశేఖర్‌ హీరోగా నటించిన చిత్రమిది. చందమామ కథలు, గుంటూరు టాకీస్‌ చిత్రాల దర్శకుడిగా తనెంటో ప్రూవ్‌ చేసుకున్న ప్రవీణ్‌ సత్తారు ఈ సినిమాకు దర్శకత్వం వహించారు. యాక్షన్‌ థ్రిల్లర్‌గా రూపొందిన ఈ సినిమా మంచి కలెక్షన్లు సాధిస్తోంది. 

ఈ నేపథ్యంలో  హైద‌రాబాద్‌లో గ‌రుడవేగ సినిమా ఆడుతోన్న థియేట‌ర్ల‌న్నీ ప్రేక్ష‌కుల‌తో నిండిపోయాయి. థియేట‌ర్ల ముందు రాజ‌శేఖ‌ర్ అభిమానులు ఎంతో హుషారుగా కనిపిస్తున్నారు. నగరంలోని ఓ థియేట‌ర్‌కు వెళ్లి ప్రేక్ష‌కుల‌తో ముచ్చ‌టించిన రాజ‌శేఖ‌ర్.. తాను ఓ సాధార‌ణ మ‌నిషిన‌ని డైలాగ్ కొట్టారు. త‌న కొత్త సినిమాకు మంచి స్పంద‌న వ‌స్తోంద‌ని హ‌ర్షం వ్య‌క్తం చేశారు.

అయితే, రాజ‌శేఖ‌ర్ ప‌క్క‌న ఉన్న ఓ అభిమాని రాజశేఖర్‌ను ప్రశంసలతో ముంచెత్తారు. రాజశేఖర్ అసాధారణ మనిషని కొనియాడారు. దీంతో పక్కనే ఉన్న జీవిత రాజ‌శేఖ‌ర్ భావోద్వేగానికి లోనైయ్యారు. కన్నీరు పెట్టుకున్నారు. ఈ సినిమాను హిట్ చేసినందుకు కృత‌జ్ఞ‌త‌ల‌ు చెప్పుకున్నారు. సోదరుడు మరణించడంతో శోకంలో వున్న జీవిత రాజశేఖర్‌కు గరుడ వేగ హిట్ కొట్టడం, అభిమానుల అభిమానాన్ని చూసి కన్నీళ్లు పెట్టుకున్నారు.